సిరిసిల్లలో ‘స్వచ్ఛ పాఠశాల’ కార్యక్రమంలో కేంద్రమంత్రి బండి సంజయ్

ప్రధానమంత్రి నరేంద్ర మోడీ 12 ఏళ్ల సుపరిపాలనను పురస్కరించుకుని కేంద్ర సహాయ మంత్రి బండి సంజయ్ కుమార్ శనివారం ‘స్వచ్ఛ పాఠశాల’ (మన బడి - మన బాధ్యత) అనే విశిష్ట కార్యక్రమానికి శ్రీకారం చుట్టారు.

రాజన్న సిరిసిల్ల జిల్లా కేంద్రంలోని కుసుమ రామయ్య జిల్లా పరిషత్ ఉన్నత పాఠశాలలో జరిగిన ఈ కార్యక్రమంలో కేంద్రమంత్రి స్వయంగా పాల్గొని స్కూల్ తరగతులను, ప్రాంగణాన్ని శుభ్రం చేశారు. ఈ సందర్భంగా ఆయన మాట్లాడుతూ.. సమాజ సేవలో ప్రతి ఒక్కరూ భాగస్వాములు కావాలని పిలుపునిచ్చారు. వేసవి సెలవుల అనంతరం పాఠశాలలు తెరుచుకుంటున్న తరుణంలో విద్యార్థులకు శుభ్రమైన వాతావరణం కల్పించడమే ఈ కార్యక్రమ ముఖ్య ఉద్దేశం. ఈ సేవలో మంత్రి బండి సంజయ్‌తో పాటు బీజేపీ కార్యకర్తలు, స్వచ్ఛంద సంస్థల ప్రతినిధులు, పాఠశాల విద్యా కమిటీల నాయకులు స్థానికులు పెద్ద ఎత్తున పాల్గొని స్కూల్ గదులను పరిశుభ్రం చేశారు. విద్యాభివృద్ధితో పాటు పరిశుభ్రతకు ప్రాధాన్యం ఇవ్వాలనే సందేశాన్ని ఈ కార్యక్రమం ద్వారా ప్రజల్లోకి తీసుకెళ్లారు.