చింతలపూడి బస్టాండ్ను ప్రారంభించిన ఎమ్మెల్యే రోషన్ కుమార్
ఆంధ్రప్రదేశ్లోని ప్రయాణికులకు మెరుగైన వసతులు కల్పించడమే ధ్యేయంగా ఏలూరు జిల్లాలో చింతలపూడి పట్టణంలోని ఆర్టీసీ కొత్త బస్టాండ్లో రూ. 30 లక్షల వ్యయంతో చేపట్టిన ఆధునీకరణ పనులు పూర్తయ్యాయి. ఈ ఆధునీకరించిన బస్టాండ్ను స్థానిక ఎమ్మెల్యే సొంగా రోషన్ కుమార్ ప్రారంభించారు. ఈ సందర్భంగా బస్టాండ్లో నూతనంగా కల్పించిన సౌకర్యాలను ఆయన స్వయంగా పరిశీలించి, ప్రయాణికులకు నాణ్యమైన సేవలు అందించాలని అధికారులను ఆదేశించారు.
అనంతరం ఎమ్మెల్యే సొంగా రోషన్ కుమార్ మాట్లాడుతూ.. కూటమి ప్రభుత్వం ప్రజలకు మెరుగైన మౌలిక వసతులు కల్పించేందుకు కట్టుబడి ఉందన్నారు. ప్రజా రవాణా వ్యవస్థను మరింత బలోపేతం చేసే దిశగా అడుగులు వేస్తున్నామని, చింతలపూడి నియోజకవర్గ సమగ్ర అభివృద్ధికి అవసరమైన ప్రతి పనిని దశలవారీగా పూర్తి చేస్తామని స్పష్టం చేశారు. ఈ ప్రతిష్టాత్మక కార్యక్రమంలో ఆర్టీసీ జిల్లా ప్రజా రవాణా అధికారి, స్థానిక డిపో మేనేజర్, ఇతర ఆర్టీసీ ఉన్నతాధికారులతో పాటు కూటమి పార్టీల ముఖ్య నాయకులు, ప్రజాప్రతినిధులు, పెద్ద సంఖ్యలో కార్యకర్తలు పాల్గొన్నారు.