2027 వన్డే వరల్డ్ కప్ లో రోహిత్, కోహ్లీ ఓపెనింగ్ చేయాలంటున్న అశ్విన్!

రిటైర్డ్ స్పిన్నర్ రవిచంద్రన్ అశ్విన్ 2027లో జరిగే వన్డే వరల్డ్ కప్ కోసం భారత జట్టు ప్లాన్‌పై ఒక ఆసక్తికరమైన విషయాన్ని చెప్పారు. ఇటీవల ఒక యూట్యూబ్ ఇంటర్వ్యూలో, భారత టాప్ ఆర్డర్‌ గురించి మాట్లాడుతూ, రోహిత్ శర్మ,విరాట్ కోహ్లీ ఇద్దరూ ఓపెనింగ్ బ్యాట్స్‌మెన్‌గా బరిలోకి దిగాలని ఆయన సూచించారు. అంతేకాకుండా, శ్రేయస్ అయ్యర్ నంబర్ 4లో క్వాలిటీ ఆటగాడని, రుతురాజ్ గైక్వాడ్‌ను భవిష్యత్తు కోసం జట్టులో ఉంచుకోవాలని చెప్పారు.

అయితే, అశ్విన్ చెప్పిన ఈ జట్టులో శుభ్‌మన్ గిల్‌ పేరు లేదు. గిల్ అక్టోబర్ 2025 నుంచి భారత వన్డే జట్టుకు కెప్టెన్‌గా ఉన్నాడు. ప్రస్తుతం గిల్ ఫామ్‌ చాలా అద్భుతంగా ఉంది. అతను 58 మ్యాచ్‌లలో 50కి పైగా సగటుతో 8 సెంచరీలు చేశాడు. అతని నిలకడ చూసి క్రికెట్ అభిమానులు, పండితులు మెచ్చుకుంటున్నారు.

ఈ సలహా ఇప్పుడు క్రికెట్ అభిమానుల మధ్య పెద్ద చర్చకు దారితీసింది. కొందరు అశ్విన్ చెప్పినట్లుగా అనుభవం (రోహిత్-కోహ్లీ) , కొత్త టాలెంట్ కలిస్తే మంచిదంటున్నారు. ఇంకొందరు మాత్రం, ప్రస్తుతం బాగా ఆడుతున్న గిల్‌ను వదిలేయడం సరికాదని వాదిస్తున్నారు.

2027 వరల్డ్ కప్‌కి ఇంకా రెండు సంవత్సరాల సమయం ఉంది కాబట్టి, ఆటగాళ్ల అనుభవం, ప్రస్తుత ఫామ్ , టీమ్ బ్యాలెన్స్ వంటి విషయాలను ఆలోచించి, సెలెక్టర్లు ఇలాంటి కొత్త ఆలోచనలను పరిశోధించే అవకాశం ఉంది.