2019 నుంచే వైట్ కాలర్ టెర్రర్ మాడ్యూల్
ఎన్ఐఏ కస్టడీలో ఉన్న ఉగ్రవాదులను అధికారులు దర్యాప్తు చేస్తున్న కొద్ది విస్తుపోయే విషయాలు బయటకు వస్తున్నాయి. వారు ఎప్పటి నుంచి ఈ ఉగ్రదాడులకు ప్లాన్ చేశారో తెలిస్తే షాకవ్వాల్సిందే. అలాగే దేశంలోని అత్యంత చదువుకున్న వర్గాలను కూడా ఉగ్రశక్తులు ఎలా వలలో పడేస్తున్నాయో ఈ విచారణలో బయటపడింది. నవంబర్ 10న ఎర్రకోట ప్రాంతంలో జరిగిన బాంబ్ పేలుడు కేసులో నిందితులైన డాక్టర్ల రాడికలైజేషన్ 2019 నుంచే సోషల్ మీడియాలో ప్రారంభమైందని దర్యాప్తు సంస్థలు షాకింగ్ వివరాలు వెల్లడించాయి.
ఫేస్బుక్ నుంచి టెలిగ్రామ్ వరకూ 'డిజిటల్ జిహాద్'
ఉగ్రచర్యల్లో పాల్గొన్న డాక్టర్ ముజమ్మిల్ గనాయ్, అదీల్ రాథర్, ముజాఫర్ రాథర్, ఉమర్-ఉన్-నబీలను ఫేస్బుక్, ఎక్స్ (ట్విటర్) వంటి సోషల్ మీడియా ప్లాట్ఫామ్ల్లోనే పాక్-హ్యండ్లర్లు మొదట గుర్తించారు. సోషల్ మీడియాలో వారి సంభాషణలను ప్రకారం వారిని టెలిగ్రామ్ ప్రైవేట్ గ్రూపుల్లోకి మార్చి అసలు బ్రెయిన్వాష్ మొదలుపెట్టారు. దీంతో వారు మొదట సిరియాలో పని చేయాలని సంకల్పించినా.. అక్కడి టెర్రర్ గ్రూపులు భారతదేశంలోనే దాడులు చేయాలని పురికోల్పాయి. దీంతో వారు అప్పటి నుంచే దాడులకు ప్రణాళికలు రచించారు.
యూట్యూబ్ యూనివర్సిటీ'లోనే ఐఈడీ ట్రైనింగ్
యూట్యూబ్ లో లభ్యమయ్యే కంటెంట్ను వాడుకుని ఐఈడీలు తయారు చేసే విధానం నేర్చుకున్నారు.అందుకు యూట్యూబ్ లో అనేక పరిశోధనలు చేసి పేలుడు పదార్థాలు తయారు చేశారు. డిజిటల్ ట్రేసింగ్లో ‘ఉకాసా’, ‘ఫైజాన్’, ‘హష్మి’ అనే హ్యండ్లర్లు కనిపించినట్టు అధికారులు వెల్లడించారు. వీరంతా పాక్ వెలుపల నుంచి ఆపరేట్ చేస్తున్నవారే.మొదట వీరు విదేశాల్లోని ఘర్షణ ప్రాంతాలైన సిరియా–ఆఫ్ఘానిస్టాన్కు వెళ్లాలనుకున్నారు. హ్యండ్లర్లు ఇక్కడే ఉండి దేశంలో వరుస బ్లాస్ట్లు చేయాలి అంటూ ఆదేశించారట. అందుకే ఇక్కడే పేలుళ్లకు ప్లాన్ గీశారు.
జేకే–యూపీ–హర్యానా జాయింట్ ఆపరేషన్
'వైట్ కాలర్' టెర్రర్ మాడ్యూల్ను జమ్మూ కాశ్మీర్ పోలీసులు ఉత్తరప్రదేశ్, హర్యానాలోని వారి సహచరులతో కలిసి చేధించారు. ఇది దర్యాప్తు దారులను ఫరీదాబాద్ విశ్వవిద్యాలయానికి వెళ్లేలా దారితీసింది. అక్కడ 2,900 కిలోల పేలుడు పదార్థాలు స్వాధీనం చేసుకున్నారు. ఇదంతా అక్టోబర్ 18-19 మధ్య రాత్రి ప్రారంభమైంది. శ్రీనగర్ నగరానికి వెలుపల గోడలపై నిషేధించబడిన జెఎం పోస్టర్లు కనిపించాయి. లోయలో పోలీసులు, భద్రతా దళాలపై దాడుల గురించి ఈ పోస్టర్లు హెచ్చరించాయి. శ్రీనగర్ పోలీసులు ఈ విషయాన్ని కేవలం ఒక సంఘటనగా కాకుండా తీవ్రమైన సమస్యగా పరిగణించారు. సీనియర్ సూపరింటెండెంట్ ఆఫ్ పోలీస్ (శ్రీనగర్) జివి సందీప్ చక్రవర్తి లోతైన దర్యాప్తు కోసం అనేక బృందాలను ఏర్పాటు చేశారు.
సోషల్ మీడియాలో విద్వేషం
2018 నుండి సోషల్ మీడియా రాడికలైజేషన్ పద్ధతిలో ఉగ్రవాద గ్రూపులు వ్యూహాత్మక మార్పును చూశాయి. ఎందుకంటే భద్రతా చర్యలు పెరగడం వల్ల ప్రత్యక్ష, ముఖాముఖి సంభాషణలు మరింత కష్టతరం అయ్యాయి. డిజిటల్ ప్లాట్ఫారమ్ల ద్వారా వ్యక్తులను నియమించుకోవడానికి వారు ప్రయత్నించారు. ఈ సంభావ్య నియామకాలను గుర్తించిన తర్వాత, వారిని టెలిగ్రామ్ వంటి ఎన్క్రిప్టెడ్ మెసేజింగ్ యాప్లలోని ప్రైవేట్ గ్రూపుల్లోకి త్వరగా తరలిస్తారు. అక్కడ వారికి అత్యంత మోసపూరితమైన, కల్పిత కంటెంట్ చూపిస్తారు. తరచుగా కృత్రిమ మేధస్సుతో తయారు చేసిన వీడియోల రూపంలో, ద్వేషాన్ని నియామకాల వైపు కథనాన్ని ప్రోత్సహిస్తారు.
నియామకాలు చేసుకున్న వారికి ఈ ప్రాంతంలో కార్యాచరణ పనులు కేటాయించే ముందు, సులభంగా యాక్సెస్ చేయగల యూట్యూబ్ ట్యుటోరియల్స్తో సహా వర్చువల్ శిక్షణ ఇస్తారు. వర్చువల్ ప్రైవేట్ నెట్వర్క్లు, నకిలీ ప్రొఫైల్లను విస్తృతంగా ఉపయోగించడం వల్ల ఈ ఉగ్రవాద నెట్వర్క్లను గుర్తించకుండా తప్పించుకుంటాయి. ఎన్క్రిప్టెడ్ కమ్యూనికేషన్ కోసం టెలిగ్రామ్, మాస్టోడాన్ వంటి ఎన్క్రిప్టెడ్ ప్లాట్ఫారమ్లను ఉపయోగిస్తాయి.
గతంలోనే హెచ్చరించిన యుఎన్
ఉగ్ర సంస్థలు ఆన్లైన్ ప్రొపగాండాను ప్రమాదకరంగా ఉపయోగిస్తున్నాయని ఐక్యరాజ్య సమితి పలుమార్లు ఆందోళన వ్యక్తం చేసింది.
2017లో ఆమోదించిన ‘కాంప్రెహెన్సివ్ ఇంటర్నేషనల్ ఫ్రేమ్వర్క్’లో సభ్య దేశాలు కౌంటర్-టెర్రరిజం వ్యూహాలు బలోపేతం చేయాలని స్పష్టం చేసింది.