స్థానిక ఎన్నికలు వాయిదా వేసుకోండి:హైకోర్టు

స్థానిక ఎన్నికలకు తెలంగాణ సన్నద్ధమవుతున్న వేళ తెలంగాణ హైకోర్టు ప్రభుత్వానికి షాక్​ ఇచ్చింది. రిజర్వేషన్ల అంశం తేలకుండా ఎలా ముందుకు పోతారని ప్రశ్నించింది. గవర్నర్​ దగ్గర బీసీ బిల్లు పెండింగ్​ లో ఉండగా మీరు జీవో విడుదల చేసి ఎన్నికలకు వెళతామంటే ఎలా? అని తెలంగాణ ప్రభుత్వాన్ని హైకోర్టు ప్రశ్నించింది. బిల్లు పెండింగ్​ లో ఉన్నప్పుడు జీవో ఇవ్వడం సరికాదని, రిజర్వేషన్లు 50 శాతం మించొద్దు అనే నిబంధన ఉంది కదా అని కీలక వ్యాఖ్యలు చేసింది. చట్ట ప్రకారమే ముందుకెళ్లాలని ఆదేశించింది. రిజర్వేషన్ల విషయమై ప్రభుత్వ అడ్వకేట్ జనరల్ ను జస్టిస్​ అభినందన్​, జస్టిస్​ విజయ్​ సేన్​ రెడ్డిలతో కూడిన ధర్మాసనం ప్రశ్నించింది. అవసరమైతే స్థానిక ఎన్నికలను 10 రోజులు వాయిదా వేసుకోవాలని సూచించింది. తదుపరి విచారణను అక్టోబర్​ 8వ తేదికి వాయిదా వేసింది. ఒకవేళ నోటిఫికేషన్​ ఇస్తే తీర్పుకు లోబడే వ్యవహారించాల్సి ఉంటుందని తేల్చిచెప్పింది.