సైబర్ క్రైమ్ పోలీసింగ్ కోసం ఏఐ ప్లాట్ఫారమ్ను ప్రారంభించిన మొదటి రాష్ట్రంగా మహారాష్ట్ర
సైబర్ క్రైమ్ దర్యాప్తును వేగవంతం చేయడానికి కృత్రిమ మేధస్సు (ఆర్టిఫిషియల్ ఇంటెలిజెన్స్-ఏఐ) ఆధారిత ప్లాట్ఫారమ్ను ఉపయోగించిన మొట్టమొదటి భారతీయ రాష్ట్రంగా మహారాష్ట్ర నిలిచింది. మహారాష్ట్ర ప్రభుత్వం ఈ ఏఐ-ఆధారిత వ్యవస్థ, మహాక్రైమ్ఓఎస్ ఏఐ ముంబైలో జరిగిన మైక్రోసాఫ్ట్ ఏఐ టూర్లో ఆవిష్కరించబడింది. ఇది భారతదేశంలో డిజిటల్ పోలీసింగ్ ప్రయత్నాలలో ఒక ముఖ్యమైన ముందడుగు.దీన్ని మైక్రోసాఫ్ట్ సిఈఓ సత్యనాదెళ్లతో కలిసి ముఖ్యమంత్రి దేవేంద్ర ఫడ్నవీస్ ఆవిష్కరించారు.
మహారాష్ట్ర ప్రభుత్వ ప్రత్యేక ప్రయోజన వాహనం అయిన మార్వెల్, మైక్రోసాఫ్ట్ ఇండియా డెవలప్మెంట్ సెంటర్ (ఐడీసీ) భాగస్వామ్యంతో సైబర్ఐ ఈ ప్లాట్ఫారమ్ను అభివృద్ధి చేసింది. మహాక్రైమ్ఓఎస్ ఏఐ మైక్రోసాఫ్ట్ అజూర్ ఓపెన్ఏఐ సాంకేతికతలను ఉపయోగించి అధికారులకు సైబర్ నేరాలను వేగంగా ట్రాక్ చేసి, పరిష్కరించడంలో ఇది సహాయపడుతుంది.
ఈ కార్యక్రమలో పాల్గొన్న ముఖ్యమంత్రి దేవేంద్ర ఫడ్నవీస్ మాట్లాడుతూ, ఈ ప్లాట్ఫారమ్ ఇప్పటికే నాగ్పూర్లోని 23 పోలీస్ స్టేషన్లలో అందుబాటులో ఉంది. రాష్ట్రంలోని మొత్తం 1,100 పోలీస్ స్టేషన్లకు విస్తరించాలని యోచిస్తున్నామన్నారు.
"ప్రజా ప్రయోజనం కోసం నైతిక బాధ్యతాయుతమైన ఏఐ అనేది మా ప్రధాన నినాదం. ఏఐ సామర్థ్యాన్ని మెరుగుపరచడం, జీవన నాణ్యతను పెంచడం, ప్రతి పౌరుడికి నిజమైన జీవన సౌలభ్యాన్ని అందించడం ద్వారా పరివర్తన చెందగల శక్తిని కలిగి ఉంది. మైక్రోసాఫ్ట్తో మా సహకారం సంక్లిష్టమైన సైబర్ క్రైమ్ సవాళ్లను పరిష్కరించడంతో ప్రారంభమైంది, కానీ దాని సామర్థ్యం చాలా ఎక్కువ. మరింత ప్రభావవంతమైన, పౌరుల-కేంద్రీకృత రాష్ట్రాన్ని రూపొందించడానికి మేము ఈ శక్తిని బాధ్యతాయుతంగా ఉపయోగించుకోవాలని భావిస్తున్నాము" అని అన్నారు.
మైక్రోసాఫ్ట్ అజూర్ ఓపెన్ఏఐ సర్వీస్, మైక్రోసాఫ్ట్ ఫౌండ్రీపై నిర్మించబడిన మహాక్రైమ్ఓఎస్ ఏఐ, ఏఐ సహాయకులు, ఆటోమేటెడ్ వర్క్ఫ్లోలు, సురక్షిత క్లౌడ్ మౌలిక సదుపాయాలతో సహా డిజిటల్ సాధనాలను ఏకీకృతం చేస్తుంది. ఇది పోలీసు అధికారులకు డిజిటల్ కేసు ఫైల్లను తక్షణమే సృష్టించడానికి, బహుళ భాషలలో డేటాను సంగ్రహించడానికి, ఏఐ సహాయక జ్ఞాన ఆధారాల ద్వారా సందర్భోచిత చట్టపరమైన మద్దతును పొందడానికి వీలు కల్పిస్తుంది. ఈ వ్యవస్థ సంబంధిత కేసులను కూడా అనుసంధానిస్తుంది. దర్యాప్తుదారులు డిజిటల్ సాక్ష్యాలను మరింత సమర్థవంతంగా విశ్లేషించడంలో సహాయపడుతుంది.
ఈ ప్రారంభోత్సవ౦లో మైక్రోసాఫ్ట్ ఛైర్మన్, సీఈఓ సత్య నాదెళ్ల ముఖ్యమంత్రి ఫడ్నవీస్ను కలిసి, కృత్రిమ మేధస్సు (ఏఐ) పాలన భద్రత సామర్థ్యాన్ని ఎలా మెరుగుపరుస్తుందనే దాని గురించి చర్చించారు. ఈ సహకారం, ప్రభుత్వ వ్యవస్థల్లో బాధ్యతాయుతమైన ఆవిష్కరణలపై పెరుగుతున్న దృష్టిని ప్రతిబింబిస్తుందని నాదెళ్ల అన్నారు.
మైక్రోసాఫ్ట్ ఇండియా & సౌత్ ఆసియా ప్రెసిడెంట్ పునీత్ చందోక్ మాట్లాడుతూ, "ఏఐ ప్రజా భద్రత భవిష్యత్తును పునర్నిర్వచిస్తోంది. మహాక్రైమ్ఓఎస్ ఏఐతో, మేము ఆ దృష్టిని వాస్తవంగా మారుస్తున్నాము. మైక్రోసాఫ్ట్ అజూర్ స్థాయిని అత్యాధునిక ఏఐ సామర్థ్యాలతో కలపడం ద్వారా, మహారాష్ట్రలోని ప్రతి అధికారి వేగంగా, తెలివిగా, మరింత సురక్షితంగా దర్యాప్తు చేయడానికి మేము సాధికారత కల్పిస్తున్నాము" అని అన్నారు.
నాగ్పూర్ రూరల్ ఎస్పీ, మార్వెల్ సీఈఓ హర్ష్ పొద్దార్ మాట్లాడుతూ, "మహాక్రైమ్ఓఎస్ ఏఐ మేము సైబర్ క్రైమ్తో పోరాడే విధానాన్ని పునర్నిర్వచిస్తోంది, సంక్లిష్టతను స్పష్టతగా, వేగంగా మారుస్తుంది. ఈ ప్లాట్ఫారమ్ కేవలం వేగవంతమైన దర్యాప్తుల గురించి మాత్రమే కాదు. ఇది విశ్వాసాన్ని పెంపొందించడం, పాలనకు కొత్త ప్రమాణాలను నిర్ధారించడం, భారతదేశం అంతటా స్కేల్ చేయగల నమూనాను సృష్టించడం" అని అన్నారు.
సైబర్ఐ వ్యవస్థాపకుడు సీఈఓ రామ్ గణేష్ మాట్లాడుతూ, ఏఐని ఉపయోగించి పనిభారాన్ని తగ్గించడానికి, పౌరుల రక్షణను బలోపేతం చేయడానికి, సుదూర ప్రాంతాలలోని పోలీస్ స్టేషన్లు కూడా సంక్లిష్టమైన సైబర్ దర్యాప్తును సులభంగా నిర్వహించడానికి ఈ సహకారం సహాయపడుతుందని అన్నారు.
నేషనల్ సైబర్ క్రైమ్ రిపోర్టింగ్ పోర్టల్ ప్రకారం, 2024 లో భారతదేశంలో 3.6 మిలియన్ల కంటే ఎక్కువ సైబర్ క్రైమ్ సంఘటనలు నమోదయ్యాయి. కొత్త ఏఐ శక్తితో పనిచేసే ప్లాట్ఫారమ్ డిజిటల్ ప్రపంచంలో చట్టాన్ని అమలు చేసే వారికి త్వరగా స్పందించడానికి పౌరులను రక్షించడానికి మద్దతు ఇవ్వాలని లక్ష్యంగా పెట్టుకుంది.