సైబరాబాద్ మున్సిపల్ కార్పొరేషన్లో ప్రజావాణికి 41 ఫిర్యాదులు
పౌరుల సమస్యల పరిష్కారమే లక్ష్యంగా సాగుతున్న ‘ప్రజావాణి’ కార్యక్రమం సైబరాబాద్ మున్సిపల్ కార్పొరేషన్ కార్యాలయంలో సోమవారం ఘనంగా నిర్వహించబడింది. ఈ కార్యక్రమంలో సైబరాబాద్ మున్సిపల్ కార్పొరేషన్ కమిషనర్ శ్రీజన స్వయంగా పాల్గొని, ప్రజల నుండి వినతులను స్వీకరించారు.
ఈ కార్యక్రమంలో మొత్తం 41 దరఖాస్తులు స్వీకరించబడ్డాయని తెలిపారు. ప్రధానంగా మౌలిక సదుపాయాలు, పారిశుద్ధ్యం, రహదారుల మరమ్మత్తులు, నీటి సరఫరా, పన్నులు, ఇతర పౌర సేవలకు సంబంధించిన సమస్యలు ప్రజలు ప్రస్తావించారు. ప్రతి వినతిని పరిశీలించిన కమిషనర్, సంబంధిత శాఖాధికారులకు తక్షణ చర్యలు తీసుకోవాలని ఆదేశాలు జారీ చేశారు.
సమస్యల పరిష్కారం నిర్దిష్ట గడువులో పూర్తి చేయాలని, ప్రజలకు ఇబ్బందులు కలగకుండా సమర్థవంతమైన చర్యలు చేపట్టాలని ఆమె అధికారులకు సూచించారు. ప్రజల విశ్వాసాన్ని నిలబెట్టుకోవడం ప్రతి అధికారికి బాధ్యత అని పేర్కొన్నారు. ప్రజల భాగస్వామ్యంతోనే అభివృద్ధి సాధ్యమవుతుందని, ప్రజల అవసరాలే ప్రభుత్వానికి మార్గదర్శకమని ఆమె తెలిపారు.