స్టేడియం లో పిడుగు పడి కార్మికుడు మృతి

విశాఖపట్నం కొమ్మది గ్రీన్ ఫీల్డ్ మినీ స్టేడియం వద్ద సోమవారం ఉదయంపిడుగు పడి ప్రమాదం జరిగింది. విశాఖ తూర్పు ఆరిలోవ నెహ్రు నగర్ కి చెందిన ఆఫీస్ సబార్డినేటర్ ఉద్యోగిగా పనిచేస్తున్న దోహర్తి సూర్య ప్రకాష్ ( 37) అక్కడికక్కడే మృతి చెందాడు . ఆయనకు భార్య ఆశ (32) పిల్లలు తేజశ్రీ (12) సోమేశ్వరి (4) వున్నారు. దోహార్తి సూర్య ప్రకాష్ విశాఖ జిల్లా, ఆరిలోవ ప్రాంతానికి చెందినవాడు అని గుర్తించారు సంఘటనపై సమాచారం అందుకున్న పీఎంపాలెం పోలీసులు ఘటనాస్థలానికి చేరుకున్నారు . పోలీసులు కేసు నమోదు చేసి, పూర్తి దర్యాప్తు ప్రారంభించారు.