శృంగేరి శారదా పీఠాధిపతిని కలిసిన సీఎం రేవంత్ రెడ్డి- వేములవాడ ఆలయాభివృద్ధి పై చర్చ

తెలంగాణ ముఖ్యమంత్రి రేవంత్ రెడ్డి మంగళవారం హైదరాబాద్, నల్లకుంటలోని శంకరమఠాన్ని సందర్శించారు. ఈ సందర్భంగా ఆయన శంకరమఠంలో కొలువైన గణపతి, శారదాంబ, చంద్రమౌళీశ్వర స్వామి, ఆదిశంకరాచార్యుల ఆలయాలను దర్శించుకుని, ప్రత్యేక పూజలు నిర్వహించారు.

పూజల అనంతరం, శంకరమఠంలోనే బస చేసిన శృంగేరి శారదా పీఠం జగద్గురువులు శ్రీశ్రీశ్రీ విధుశేఖర భారతీతీర్థ మహాస్వామిన్ని ముఖ్యమంత్రి మర్యాదపూర్వకంగా కలిశారు.

శృంగేరి గురువులకు స్వాగతం

'ధర్మ విజయ యాత్ర'లో భాగంగా హైదరాబాద్‌కు విచ్చేసిన శ్రీశ్రీశ్రీ విధుశేఖర భారతీస్వామికి ఈ సందర్భంగా ముఖ్యమంత్రి రేవంత్ రెడ్డి ఆతిథ్యం పలికారు. ధార్మిక కార్యక్రమాల్లో భాగంగా శంకరమఠం నిర్వహించిన ఈ కార్యక్రమంలో స్వామితో భేటీ అయిన ముఖ్యమంత్రి, రాష్ట్రంలోని ప్రధాన దేవాలయాల గురించి చర్చించారు.

వేములవాడ అభివృద్ధిపై చర్చ

శ్రీశ్రీశ్రీ విధుశేఖర భారతీస్వామికి ముఖ్యమంత్రి వేములవాడ ఆలయ అభివృద్ధికి సంబంధించిన వివరాలను ప్రత్యేకంగా తెలియజేశారు. ముఖ్యమంత్రి రేవంత్ రెడ్డి వెంట ప్రభుత్వ విప్ ఆది శ్రీనివాస్ కూడా ఈ కార్యక్రమంలో పాల్గొన్నారు.

శంకరమఠం జగద్గురువులను ముఖ్యమంత్రి మర్యాదపూర్వకంగా కలవడం, రాష్ట్రంలోని ప్రముఖ పుణ్యక్షేత్రం వేములవాడ ఆలయ అభివృద్ధి అంశాలను తెలియజేయడం ఈ పర్యటనలో ప్రధానాంశాలుగా నిలిచాయి. ధార్మిక సంప్రదాయాలకు, ఆలయాల అభివృద్ధికి ప్రభుత్వం ఇస్తున్న ప్రాధాన్యతను ఈ భేటీ ద్వారా తెలిపారు.

వేములవాడ (రాజన్న సిరిసిల్ల జిల్లా)లోని శ్రీ రాజరాజేశ్వర స్వామి ఆలయం అభివృద్ధి కోసం తెలంగాణ ప్రభుత్వం ఈ ఆలయ అభివృద్ధి-ప్రాజెక్ట్ తొలి దశకు రూ. 76 కోట్ల నిధులను మంజూరు చేసింది.2024 నవంబరులో ఈ స్థలానికి మరో రూ. 127.65 కోట్ల నిధులను విడుదల చేనట్లు అధికారులు పేర్కొన్నారు.ఇందులో “పూర్తి ప్రాజెక్ట్” మొత్తం ఖర్చు రూ. 330 కోట్ల వరకూ కావొచ్చని ప్రాథమిక అంచనాలు ఉన్నాయి.మొత్తం ఖర్చు ఇంకా పూర్తిగా సంఘటితం కాలేదని, దశలవారీగా నిధుల విడుదల జరుగుతూ ఉందని పేర్కొన్నారు.