యూకేలో ముఖ్యమంత్రి చంద్రబాబు నాయుడు వరుస పారిశ్రామిక సమావేశాలు
ఆంధ్రప్రదేశ్ ముఖ్యమంత్రి ఎన్. చంద్రబాబు నాయుడు తన లండన్ పర్యటనలో భాగంగా మంగళవారం వివిధ ప్రముఖ పారిశ్రామికవేత్తలతో కీలక సమావేశాలు నిర్వహించారు. పర్యటనలో ముఖ్యంగా టెక్నాలజీ, పరిశోధనపై దృష్టి పెట్టారు. అలాగే ఏఐ, సెమీ కండక్టర్స్, స్పేస్ టెక్నాలజీ, లైఫ్ సైన్సెస్, కోర్ ఇంజనీరింగ్ వంటి అత్యాధునిక రంగాలలో భాగస్వామ్యాల కోసం యూకే సంస్థలు, విద్యావేత్తలతో చర్చించారు.
రోల్స్ రాయిస్ గ్రూప్తో భేటీ
• ముఖ్యమంత్రి చంద్రబాబు నాయుడు ప్రముఖ బహుళజాతి కంపెనీ అయిన రోల్స్ రాయిస్ గ్రూప్ ప్రతినిధులతో సమావేశమయ్యారు. రోల్స్ రాయిస్ సంస్థ సీటీఓ నిక్కి గ్రేడీ స్మిత్తో ముఖ్యమంత్రి ప్రత్యేకంగా చర్చలు జరిపారు.
• రోల్స్ రాయిస్ ఏరో ఇంజిన్స్, డీజిల్ ప్రొపల్షన్ సిస్టమ్స్ తయారీలో అంతర్జాతీయ స్థాయిలో ప్రముఖ బ్రాండ్గా ఉంది.
• ఏపీలో ఉన్న అపారమైన అవకాశాలు, వనరుల గురించి సీఎం రోల్స్ రాయిస్ ప్రతినిధులకు వివరించారు.
• కర్నూలు జిల్లాలోని ఓర్వకల్లులో మిలటరీ ఎయిర్ స్ట్రిప్, అలాగే విమానాల మెయింటెనెన్స్, రిపేర్స్, ఓవర్ హాలింగ్ యూనిట్ ఏర్పాటుకు అవకాశాలు ఉన్నాయని ముఖ్యమంత్రి వారికి తెలిపారు.
• ఏపీలో ఏరోస్పేస్ కాంపోనెంట్స్ ఉత్పత్తికి మెరుగైన అవకాశాలు ఉన్నాయని రోల్స్ రాయిస్ సీటీఓ గ్రేడీ స్మిత్కు ముఖ్యమంత్రి వివరించారు.
• విశాఖపట్నం, తిరుపతిలలో గ్లోబల్ క్యాపబిలిటీ సెంటర్ ఏర్పాటు అవకాశాలను పరిశీలించాలని ముఖ్యమంత్రి సూచించారు.
• భోగాపురం విమానాశ్రయం సమీపంలో కూడా ఏవియేషన్ ఎకోసిస్టమ్, ఎమ్మార్వో ఫెసిలిటీ ఏర్పాటుకు అవకాశముందని సీఎం స్పష్టం చేశారు.
ఇతర సంస్థల ప్రతినిధులతో చర్చలు
• ముఖ్యమంత్రి ఎస్ఆర్ఏఎమ్, ఎమ్ఆర్ఏఎమ్ గ్రూప్ చైర్మన్ శైలేష్ హిరనందానీతో కూడా భేటీ అయ్యారు.
• అలాగే, శామ్కో హోల్డింగ్ లిమిటెడ్ చైర్మన్ తో సీఎం సమావేశమయ్యారు.
• సెమీ కండక్టర్స్, అధునాతన ప్యాకేజింగ్ యూనిట్ ఏర్పాటుకు ఎస్ఆర్ఏఎమ్, ఎమ్ఆర్ఏఎమ్ గ్రూప్ ఆసక్తి చూపింది.
• బ్యాటరీ ఎనర్జీ స్టోరేజీ రంగంలో పెట్టుబడులకు ఉన్న అవకాశాలను కూడా ముఖ్యమంత్రి ఈ సంస్థల ప్రతినిధులకు వివరించారు.
సీఎం చంద్రబాబుతో భారత హై కమిషనర్ విక్రమ్ దొరైస్వామి భేటీ
ఆంధ్రప్రదేశ్ ముఖ్యమంత్రి ఎన్. చంద్రబాబు నాయుడు యూకే పర్యటన సందర్భంగా, లండన్లోని భారత హై కమిషనర్ విక్రమ్ దొరైస్వామి ముఖ్యమంత్రితో మర్యాదపూర్వకంగా భేటీ అయ్యారు.
ఈ సమావేశంలో ప్రధానంగా ఆంధ్రప్రదేశ్, యూకేలోని వివిధ విశ్వవిద్యాలయాల మధ్య సహకారంపై చర్చ జరిగింది.
నాలుగు కీలక అంశాల్లో భాగస్వామ్యాలు: యూకే యూనివర్సిటీలు ఆంధ్రప్రదేశ్తో విద్యారంగంలో నాలుగు ప్రధాన అంశాలలో భాగస్వామ్యాన్ని ఏర్పరుచుకోవడంపై ఇరువురు చర్చించారు.
యూనివర్సిటీ క్యాంపస్ల ఏర్పాటు: ఏపీలో ఆయా యూకే విశ్వవిద్యాలయాల క్యాంపస్లు లేదా కేంద్రాలను ప్రారంభించే అంశంపై ముఖ్యమంత్రి చర్చించారు.
జాయింట్ వెంచర్లపై చర్చ: కేంద్ర ప్రభుత్వ సహకారంతో ఈ విద్యా సంస్థల మధ్య జాయింట్ వెంచర్లను ఏర్పాటు చేసుకునే అంశంపై ఇరువురు ప్రస్తావించారు.
భాగస్వామ్యాల బలోపేతం: యూకేలోని విశ్వవిద్యాలయాలు ఆంధ్రప్రదేశ్లోని విద్యా సంస్థలతో భాగస్వామ్య ఒప్పందాలను కుదుర్చుకునే అంశంపై చర్చించారు.
విద్యార్థుల మార్పిడి (ఎక్స్ఛేంజ్) కార్యక్రమం: యూనివర్సిటీలు, విద్యా సంస్థల మధ్య విద్యార్థుల మార్పిడి కార్యక్రమాల నిర్వహణ గురించి కూడా ముఖ్యమంత్రి చర్చించారు.
సహకారం అంశాలు
ఏపీ, యూకే విశ్వవిద్యాలయాల మధ్య భాగస్వామ్యాలు నెలకొల్పడానికి చర్చించిన ప్రధాన రంగాలు:
• జీవశాస్త్రాలు: లైఫ్ సైన్సెస్, బయో-జెనెటిక్స్.
• ఖనిజాలు & లోహాలు: ఖనిజాల వెలికితీత (మైనింగ్), మెటల్స్ (లోహాలు).
• అత్యాధునిక సాంకేతికతలు: ఆర్టిఫిషియల్ ఇంటెలిజెన్స్ (ఏఐ ), సెమీ కండక్టర్లు, స్పేస్ టెక్నాలజీ, కోర్ ఇంజనీరింగ్.
• సముద్ర పరిశ్రమ: మెరైన్ ఇండస్ట్రీ 4.0.
ఈ కీలక రంగాలలో సహకారం అందించుకోవడంపై ఇరువురు సమగ్రంగా చర్చించారు*.