ముగిసిన మాజీ మంత్రి హరీష్ రావు తండ్రి అంత్యక్రియలు

బీఆర్‌ఎస్ పార్టీ అధ్యక్షుడు కె. చంద్రశేఖర్ రావు (కేసీఆర్) బావమరిది, మాజీ మంత్రి టి. హరీశ్ రావు తండ్రి టి. సత్యనారాయణ మంగళవారం తెల్లవారుజామున ఆరోగ్య సమస్యల కారణంగా కన్నుమూశారు.

పార్టీ వర్గాల సమాచారం ప్రకారం, అనారోగ్యంతో బాధపడుతున్న సత్యనారాయణ హరీశ్ రావు నివాసంలో గుండెపోటుతో తుదిశ్వాస విడిచారు.

రాజకీయ ప్రముఖుల సంతాపం

టి. సత్యనారాయణ మృతి పట్ల కేసీఆర్ తీవ్ర సంతాపం వ్యక్తం చేశారు. ఆయన సత్యనారాయణతో ఉన్న అనుబంధాన్ని గుర్తు చేసుకున్నారు.శోకతప్త హృదయులైన హరీశ్‌రావును, వారి కుటుంబ సభ్యులను మంత్రి ఓదార్చి, వారికి సానుభూతి తెలిపారు.

తెలంగాణ ముఖ్యమంత్రి ఎ. రేవంత్ రెడ్డి, కేంద్ర హోం శాఖ సహాయ మంత్రి బండి సంజయ్ కుమార్, ఆంధ్రప్రదేశ్ ఉప ముఖ్యమంత్రి పవన్ కల్యాణ్, తెలంగాణ ప్రదేశ్ కాంగ్రెస్ కమిటీ (టీపీసీసీ) అధ్యక్షుడు బి. మహేష్ కుమార్ గౌడ్ సహా పలువురు ప్రముఖులు సత్యనారాయణ మృతికి సంతాపం ప్రకటించారు.

బీఆర్‌ఎస్ వర్కింగ్ ప్రెసిడెంట్ కె.టి. రామారావు సహా అనేకమంది ప్రముఖులు కోకాపేటలోని హరీశ్ రావు నివాసంలో ఉంచిన సత్యనారాయణ భౌతికకాయానికి నివాళులర్పించారు. మంగళవారం మధ్యాహ్నం ఫిల్మ్ నగర్ మహాప్రస్థానంలో ఆయన అంత్యక్రియలు జరిగాయి.

హరీశ్‌రావు తండ్రి సత్యనారాయణ అంత్యక్రియల్లో ఆరోగ్యశాఖ మంత్రి దామోదర్ రాజనర్సింహ పాల్గొన్నారు. సత్యనారాయణ పార్థీవదేహానికి నివాళులర్పించారు. శోకతప్త హృదయులైన హరీశ్‌రావును, వారి కుటుంబ సభ్యులను మంత్రి ఓదార్చి, వారికి సానుభూతి తెలిపారు.