ముంబైలో ఇండియా మారిటైమ్ వీక్ 2025 లో పాల్గొన్న ప్రధాని నరేంద్ర మోదీ

గ్లోబల్ మారిటైమ్ సి ఇ ఓ ఫోరం అంటే ఇండియా మారిటైమ్ వీక్ 2025 యొక్క ప్రధాన కార్యక్రమం. ఇందులో ప్రపంచ మారిటైమ్ కంపెనీల సీఈఓలు, ప్రముఖ పెట్టుబడిదారులు, విధాన నిర్ణేతలు, ఆవిష్కర్తలు మరియు అంతర్జాతీయ భాగస్వాములు పాల్గొని గ్లోబల్ మారిటైమ్ వ్యవస్థ భవిష్యత్తుపై చర్చిస్తారు. సముద్ర రవాణా రంగంలో భారతదేశాన్ని అగ్రగామిగా నిలపడానికి ఉద్దేశించిన ఈ ఇండియా మారిటైమ్ వీక్ 2025 సదస్సుకు ప్రధాని మోదీ హాజరయ్యారు.

ఈ ఫోరం స్థిరమైన మారిటైమ్ అభివృద్ధి , పటిష్టమైన సరఫరా గొలుసులు, గ్రీన్ షిప్పింగ్, సమ్మిళిత బ్లూ ఎకానమీ వ్యూహాలపై సంభాషణకు కీలక వేదికగా ఉపయోగపడుతుందని మోడి అన్నారు. మారిటైమ్ అమృత్ కాల్ విజన్ 2047కి అనుగుణంగా, భవిష్యత్తు ఆధారిత మారిటైమ్ పరివర్తనపై ప్రధాని నరేంద్ర మోదీకి ఉన్న ప్రగాఢ నిబద్ధతను ఆయన భాగస్వామ్యాన్ని ఈ సదస్సు ప్రతిబింబిస్తుంది.

• పోర్ట్-ఆధారిత అభివృద్ధి ,

• షిప్పింగ్ మరియు షిప్‌బిల్డింగ్

• నిరాటంకమైన లాజిస్టిక్స్

• మారిటైమ్ నైపుణ్యాభివృద్ధి

అనే నాలుగు వ్యూహాత్మక స్తంభాలపై నిర్మించిన ఈ దీర్ఘకాలిక లక్ష్యం, ప్రపంచంలోనే అగ్రగామి మారిటైమ్ శక్తులలో భారతదేశాన్ని నిలబెట్టాలని లక్ష్యంగా పెట్టుకుంది.

"యూనైటింగ్ ఓషన్స్, వన్ మారిటైమ్ విజన్" అనే థీమ్‌తో అక్టోబర్ 27 నుండి 31 వరకు జరిగే ఐ ఎమ్ వి 2025, గ్లోబల్ మారిటైమ్ హబ్ గా, బ్లూ ఎకానమీలో నాయకుడిగా ఎదగడానికి భారతదేశం యొక్క వ్యూహాత్మక రోడ్‌మ్యాప్‌ను ప్రదర్శిస్తుంది. ఐ ఎమ్ వ 2025కి 85కి పైగా దేశాల నుండి 1,00,000 మందికి పైగా ప్రతినిధులు, 500+ ఎగ్జిబిటర్లు 350+ అంతర్జాతీయ వక్తలు హాజరవుతారు.

శక్తి రవాణా వ్యూహంలో మార్పు - హర్దీప్ సింగ్ పూరి ప్రకటన

ముంబైలో జరిగిన ఇండియా మారిటైమ్ వీక్ 2025లో మాట్లాడుతూ కేంద్ర పెట్రోలియం మరియు సహజ వాయువుల శాఖ మంత్రి హర్దీప్ సింగ్ పూరి విదేశీ నౌకల ఆపరేటర్లకు ప్రస్తుతం చెల్లిస్తున్న భారీ రవాణా ఖర్చులను తగ్గించుకోవడానికి సొంత ఆయిల్ ట్యాంకర్ల నౌకాదళాన్ని నిర్మించాలని భారత్ యోచిస్తోందని ప్రకటించారు.

ఈ సందర్బంగా భారతదేశంలోని మూడు ప్రధాన చమురు మార్కెటింగ్ సంస్థలు ఇండియన్ ఆయిల్ కార్పొరేషన్, భారత్ పెట్రోలియం, మరియు హిందుస్తాన్ పెట్రోలియం విదేశీ నౌకలను చార్టర్ చేయడానికి ఐదేళ్లలో సుమారు 8 బిలియన్ డాలర్లు ఖర్చు చేస్తున్నాయని పూరి వెల్లడించారు. ఈ మొత్తం పూర్తిగా కొత్త ముడి చమురు ట్యాంకర్ల సముదాయాన్ని కొనుగోలు చేయడానికి సరిపోతుందని ఆయన అన్నారు.

చమురు మరియు గ్యాస్ రంగం భారతదేశ మొత్తం వాణిజ్యంలో పరిమాణం పరంగా దాదాపు 28 శాతం వాటాను కలిగి ఉండి, భారత ఓడరేవులలో అతిపెద్ద ఒకే వస్తువుల సమూహంగా ఉన్నప్పటికీ, ఈ సరుకులో కేవలం 20 శాతం మాత్రమే భారత జెండా గల లేదా భారత యాజమాన్యంలోని నౌకల ద్వారా రవాణా అవుతోందని మంత్రి తీవ్రమైన అసమతుల్యతను నొక్కి చెప్పారు.

"ఈ సవాలును ఇప్పుడు మేము అవకాశంగా మారుస్తున్నాము" అని పూరి పేర్కొంటూ, ఇంధన రంగంలో భారతదేశ మారిటైమ్ సామర్థ్యాలను గణనీయంగా పెంచే ప్రణాళికలను వివరించారు. భారతదేశం తన ముడి చమురు అవసరాలలో దాదాపు 88 శాతం, సహజ వాయువు అవసరాలలో 51 శాతం దిగుమతుల ద్వారానే తీర్చుకుంటున్నందున, దేశం యొక్క శక్తి దిగుమతిపై ఆధారపడటం గణనీయంగా ఉంది.15 2024-25 ఆర్థిక సంవత్సరంలో, ముడి చమురు దిగుమతి బిల్లు మాత్రమే 150 బిలియన్ డాలర్లను దాటింది.