మహాఘట్బంధన్​ లో గందరగోళం

అసెంబ్లీ ఎన్నికలు సమీపిస్తున్న వేళ బీహార్ రాజకీయాల్లో అనుహ్య మలుపులు చోటుచేసుకుంటున్నాయి. ఇటీవల మహాఘట్బంధన్​(కూటమి)తో ఆర్జేడీ నేత తేజస్వీ యాదవ్​ ఆయన నివాసంలో సమావేశం ఏర్పాటు చేశారు. ఆ సమావేశంలో ఈ సారి కూటమిలో పార్టీలు పెరినందున సీట్ల విషయంలో త్యాగాలు చేయాల్సి ఉంటుందని సంకేతాలు ఇచ్చారు. అందుకనుగుణంగా మేం కూడా ముందుంటామని సూచనప్రాయంగా తెలిపారు. అయితే తాజాగా ఆయన ముజఫర్​ పూర్​ లోని కాంతి లో జరిగిన ఓ బహిరంగ సభలో ఈ సారి ఆర్జేడీ రాష్ట్రంలోని 243 స్థానాల్లో పోటీ చేస్తుందని ప్రకటించి అందరిని షాక్​ కు గురిచేశారు. అంతే కాకుండా నియోజకవర్గాల్లోని తమ పార్టీ అభ్యర్థులను చూడవద్దని, తనను చూసి ప్రతి ఒక్కరూ ఓటు వేయాలని ఈ సందర్భంగా ప్రజలను కోరారు. తేజస్వీ ప్రకటన వల్ల కూటమిలో పార్టీలు ఆయోమయంలో పడ్డాయి. తదుపరి అనుసరించాల్సిన విధానాలను గురించి చర్చిస్తున్నాయి. కాంతిలో జరిగిన బీఆర్​ అంబేద్కర్ విగ్రహ ఆవిష్కరణ కార్యక్రమానికి హాజరయ్యారు.

ఎన్డీయే ప్రభుత్వం పై విమర్శలు

ఈ సందర్భంగా ఎన్డీయే ప్రభుత్వాన్ని విమర్శించారు. బీహార్​ ఓట్లు, గుజరాత్​ కు కంపెనీలు అని ఎద్దేవా చేశారు. తన పథకాలను సీఎం నితీశ్​ కాపీ కొడుతున్నారని ఆరోపించారు. మై బెహన్​ యోజనను నితీశ్​ కాపీ కొట్టారని గుర్తు చేశారు. అలాగే ఎన్డీయే ప్రభుత్వం సుమారు రూ. 80 వేల కోట్ల లెక్కల చూపెట్టడం లేదని, ఆ డబ్బు ఎవరి జేబుల్లోకి వెళ్లాయని ప్రశ్నించారు. అవినీతి చేసిన వారిపై చర్యలు తీసుకోవాలని, కానీ ప్రభుత్వం నిర్లక్ష్యంగా వ్యవహరిస్తుందని ఆరోపించారు.