బీఎండబ్ల్యూ & కొచ్చి-ముజిరిస్ బిన్నెలే భాగస్వామ్యం

బీఎండబ్ల్యూ గ్రూప్ ఇండియా, కొచ్చి-ముజిరిస్ బిన్నెలే ఆరవ ఎడిషన్‌కు అధికారిక భాగస్వామిగా వ్యవహరిస్తోంది. 2012లో ప్రారంభమైన మొదటి ఎడిషన్ నుండి బీఎండబ్ల్యూ, కొచ్చి, ముజిరిస్ బిన్నెలేకు అధికారిక భాగస్వామిగా కొనసాగుతోంది. ఈ ఏడాది (డిసెంబర్ 12, 2025న ప్రారంభమైన) ఆరవ ఎడిషన్‌కు నిఖిల్ చోప్రా, ఎచ్ఎచ్ఆర్ట్ స్పేసెస్ క్యూరేటర్లుగా వ్యవహరిస్తున్నారు. డిసెంబర్ 12, 2025 నుండి నాలుగు నెలల పాటు ఈ ప్రదర్శన కొనసాగుతుంది

ఈ ప్రదర్శన పేరు ‘ఫర్ ది టైమ్ బీయింగ్’ ఈ కార్యక్రమంలో 25 కంటే ఎక్కువ దేశాల నుండి 66 మంది కళాకారులు వారి ప్రాజెక్టులతో పాల్గొంటున్నారు. ఫోర్ట్ కొచ్చి, మట్టంచేరి, విల్లింగ్‌డన్ ఐలాండ్స్, ఎర్నాకులంలోని 29 వేదికలలో ఈ ప్రదర్శన జరుగుతుంది.

బీఎండబ్ల్యూ గ్రూప్ ఇండియా సందేశం:

బీఎండబ్ల్యూ గ్రూప్ ఇండియా ప్రెసిడెంట్, సీఈఓ మిస్టర్ హర్దీప్ సింగ్ బ్రార్ మాట్లాడుతూ, "సృజనాత్మకత, సంభాషణ, కొత్త దృక్పథాలను వేడుక చేసే ఈ బిన్నెలేతో మా భాగస్వామ్యాన్ని కొనసాగించడం గర్వంగా ఉంది. కళకు ప్రగతిశీల ఆలోచనలను ప్రేరేపించే శక్తి ఉంది. భారతదేశ సాంస్కృతిక దృశ్యాన్ని సుసంపన్నం చేసే ఈ ఉద్యమంలో భాగం కావడం మాకు సంతోషంగా ఉంది," అని తెలిపారు.

బిన్నెలే నేపథ్యం, ప్రత్యేకత

కొచ్చి ముజిరిస్ బిన్నెలే అనేది దక్షిణ ఆసియాలోనే అతిపెద్ద సమకాలీన కళా ప్రదర్శన. భారతదేశంలో ఇలాంటి కార్యక్రమం వారికి మొదటి ప్రయత్నం. ఈ ఎడిషన్ 'ఫ్రెండ్‌షిప్ ఎకానమీస్' అనే అంశాన్ని ప్రాతిపదికగా తీసుకుంది. ఇది మానవ సంబంధాలు, చరిత్ర అనుభవాలను కళాకృతుల ద్వారా ప్రదర్శిస్తుంది.

కళా రంగంలో బీఎండబ్ల్యూ పాత్ర:

బీఎండబ్ల్యూ 2007 నుండి భారతదేశంలో వివిధ సాంస్కృతిక కార్యక్రమాల్లో పాల్గొంటోంది.

• ముంబైలోని జహంగీర్ ఆర్ట్ గ్యాలరీలో ప్రసిద్ధ కళాకారులు ఆండీ వార్హోల్, రాయ్ లిచ్టెన్‌స్టెయిన్ రూపొందించిన బీఎండబ్ల్యూ ఆర్ట్ కార్లను ప్రదర్శించింది.

• "ది ఫ్యూచర్ ఈజ్ బోర్న్ ఆఫ్ ఆర్ట్" అనే చొరవ ద్వారా భారతీయ వర్ధమాన కళాకారులను ప్రోత్సహిస్తోంది.

• 2012-13లో ముంబైలో బీఎండబ్ల్యూ గుగ్గెన్‌హీమ్ ల్యాబ్ ద్వారా పట్టణ సవాళ్లపై అవగాహన కార్యక్రమాలు నిర్వహించింది.

క్యూరేటర్లగా వ్యవహారిస్తున్న నిఖిల్ చోప్రా కోల్‌కతాలో జన్మించి, లైవ్ ఆర్ట్, డ్రాయింగ్, ఫోటోగ్రఫీలో అంతర్జాతీయంగా పేరుపొందారు. ఈయన గోవాలో ఎచ్ఎచ్ఆర్ట్ స్పేసెస్‌ను నిర్వహిస్తున్నారు. ఎచ్ఎచ్ ఆర్ట్ స్పేసెస్ అనేది 2014లో గోవాలో స్థాపించబడిన ఒక కళాకారుల సమూహం. ఇది వివిధ కళా రూపాల మధ్య సమన్వయం, పరిశోధనల కోసం ఒక వేదికగా పనిచేస్తుంది.