ప్రతి కుటుంబానికి రూ.10 లక్షల ఆరోగ్య బీమా

ప్రతి కుటుంబానికి రూ.10 లక్షల ఆరోగ్య బీమా పథకాన్ని రాష్ట్రంలో ప్రారంభిస్తున్నట్లు పంజాబ్​ ముఖ్యమంత్రి భగవంత్ సింగ్​ మాన్​ ప్రకటించారు. దీని కింద ప్రతి కుటుంబానికి నగదు రహిత చికిత్సను అందిస్తామని తెలిపారు. ఈ సందర్భంగా సీఎం మాట్లాడుతూ ‘సీఎం హెల్త్​ కార్డు’ ద్వారా ఈ ప్రయోజనాన్ని అందిస్తామని, నేటి నుంచి రిజిస్ట్రేషన్​ ప్రక్రియ మొదలవుతుందన్నారు.

ఈ కార్డు కింద పంజాబ్​ లోని ప్రతి పౌరుడు మెరుగైన చికిత్సను పొందుతారన్నారు. తరణ్​,తరణ్​,బర్నాల జిల్లాలో ప్రారంభిస్తామని, అక్కడ రెండు, మూడు రోజుల పాటు ప్రత్యేక ఆరోగ్య శిబిరాలు ఏర్పాటు చేస్తామన్నారు. అయితే చాలా సులభమైన ప్రక్రియ అని పేర్కోన్నారు. ఆధార్​, ఓటర్​ కార్డు లేదా పాస్ పోర్ట్​ తో తమ పేర్లను నమోదు చేసుకోవచ్చని వివరించారు.

2000 వేల వ్యాధులకు ఉచిత చికిత్స సీఎం హెల్త్​ కార్డు ద్వారా సుమారు 2 వేల వ్యాధులకు చికిత్సపొందవచ్చని ‘ఎక్స్​’ లో తెలిపారు. రాష్ట్రవ్యాప్తంగా రిజిస్ట్రేషన్​ మొదలవుతుందని, ప్రతి ఒక్కరికి ఈ కార్డులు అందిస్తామన్నారు. మెరుగైన చికిత్సను అందిస్తామని, ప్రైవేట్​ ఆసుపత్రులకు అనుసంధానిస్తామన్నారు.

వరద బాధితులకు మద్దతుగా ‘మిషన్​ చార్డీకల’

చరిత్రలో ఇంతకుముందు ఎప్పుడు చూడని వరదలు పంజాబ్ ను అతలాకుతలం చేశాయని, ఎంతో మంది దీని వల్ల నిరాశ్రయులయ్యారని, వరద బాధితులకు మద్దతుగా వారికి పునరావాసం కల్పించేందుకు ‘మిషన్​ చార్డీకల’ను సెప్టెంబర్​ 17నే ప్రారంభించాం. ప్రపంచవ్యాప్తంగా ఉన్న దేశవాసులు, పంజాబ్​ పౌరులు రాష్ట్ర అభివృద్దికి ముందుకు రావాలని పిలుపునిచ్చారు. పంజాబ్​ ప్రజలకు సహకరించాలని కోరారు.

ప్రాథమిక అంచనా ప్రకారం వరదల కారణంగా సుమారు రూ.13,800 కోట్లు నష్టం వాటిల్లినట్లు తెలిపారు. వరదలు తగ్గుముఖం పట్టేకొద్ది ఈ నష్టం మరింత పెరిగే అవకాశం ఉందని తెలిపారు. పంజాబ్ కు ఇది కష్టసమయం, అయితే ప్రతి ఒక్కరూ ఈ వరద సహాయక చర్యల్లో పాల్గొన్నారు. యువత ప్రాణాలకు తెగించి ఇతరులను రక్షించింది. ఇది పంజాబ్​ ప్రజల సంకల్పం. ఈ భూమి గురువులు,అమరవీరులు, సహచరులదని, ధన్యమైనదని కొనియాడారు. పంజాబ్​ లో పునరావాస చర్యలకు ప్రపంచవ్యాప్తంగా ఉన్న దేశ పౌరులు మందుకు రావాలన్నారు.