నిరాధారమైన కేసులను ఎత్తివేస్తాం

రాష్ట్రంలో అధికారంలోకి వచ్చిన తరువాత బీజేపీ పెట్టిన నిరాధారమైన కేసులను ఎత్తివేస్తామని సమాజ్​ వాదీ పార్టీ అధినేత అఖిలేష్​ యాదవ్​ ప్రకటించారు. మంగళవారం ఉత్తరప్రదేశ్​ మాజీ మంత్రి,ఎస్పీ నాయకుడు ఆజం ఖాన్​ జైలు నుంచి విడుదలైన సందర్భంగా ఆయన మాట్లాడారు. ఈ సందర్భంగా ఆయన విలేకరులతో మాట్లాడుతూ ఆజంఖాన్​ కేసుల్లో కోర్టు న్యాయం చేస్తుందన్న పూర్తి విశ్వాసం ఉందన్నారు. రాష్ట్రంలోని బేజేపీ ప్రభుత్వం పార్టీ నాయకులు, కార్యకర్తలపై ఇకనుంచి తప్పుడు కేసులు పెట్టదని భావిస్తున్నాం. ఆజం ఖాన్​ విడుదల కావడం చాలా సంతోషంగా ఉంది. బీజేపీకి వ్యతిరేకంగా పోరాడటంలో ఆజంఖాన్​ కీరోల్ పోషించారన్నారు. సుదీర్ఘ కాలం పాటు ఆయన బీజేపీకి వ్యతిరేకంగా పోరాడరన్నారు. ఆయన ఎస్పీ స్థాపన సమయంలో నాన్నతో బాటే ఉన్నారని గుర్తు చేశారు. మా ప్రభుత్వం అధికారంలోకి వచ్చిన తరువాత ఆజంఖాన్​ పై , సమాజ్​ వాద్ పార్టీ నాయకులపై ఉన్న కేసులను బీజేపీ ప్రభుత్వం వారి నాయకులపై ఉన్న కేసులను ఏవిధంగా తొలగించిందో, అదే విధంగా మేము తొలగిస్తామని తెలిపారు. అలాగే జర్నలిస్టులపై నమోదైన తప్పుడు కేసులను కూడా తీసేస్తామని ఈ సందర్భంగా వివరించారు.

ఆజంఖాన్ ఎస్పీలోనే ఉంటారు

ఆజంఖాన్​ ఎస్పీలోనే ఉంటారని, బీఎస్పీలో చేరబోరని స్పష్టం చేశారు. ఆయన రాంపూర్​ నుంచి పదిసార్లు ఎమ్మెల్యేగా గెలిచారని,అలాంటి వ్యక్తిని సుమారు 23 నెలలుగా సీతాపూర్​ జైలులో ఉంచారన్నారు. క్వాలిటీ బార్​ భూ కబ్జా కేసులో కేవలం ఆయన ఆరోపణలు మాత్రమే ఎదుర్కొంటున్నారని తెలిపారు.

స్వాగతం పలికిన శివ్​ పాల్​ సింగ్​ యాదవ్​

ఆజంఖాన్​ కు బెయిల్ మంజూరు సందర్భంగా సీతాపూర్​ జైలు దగ్గర సందడి నెలకొంది. ఆజంఖాన్​ ను రిసీవ్​ చేసుకోవడానికి శివ్​పాల్​ సింగ్ యాదవ్​ వచ్చారు. ఈ సందర్బంగా ఆయన మాట్లాడుతూ ముందుగా కోర్టు ఇచ్చిన తీర్పును స్వాగతిస్తున్నామని, తప్పుడు కేసులు బనాయించి బీజేపీ ప్రభుత్వం ప్రతిపక్షాలను వేధిస్తోందన్నారు. అయితే పార్టీ ఎప్పుడూ ఆయనకు మద్దతుగానే ఉంటుందన్నారు.