నత్తి సమస్యకు ఏఐ పరిష్కారం: 'ఎలోక్వెంట్' యాప్

పూణేలో విరాజ్ కులకర్ణి అనే వ్యక్తి నత్తి సమస్యను స్వయంగా ఎదుర్కొంటూ దానితో ఎదురయ్యే సవాళ్లను నిరాశను అర్థం చేసుకున్నారు. తన వ్యక్తిగత అనుభవాన్ని, ఏఐ హెల్త్‌కేర్ రంగంలో తనకున్న నైపుణ్యాన్ని జోడించి, 2023లో ఇయాసో సంస్థను స్థాపించారు. నత్తి సమస్య ఉన్న ప్రతి ఒక్కరికీ స్పీచ్ థెరపీని అందుబాటులోకి తెచ్చి, వారిని శక్తివంతులుగా చేయడమే ఈ సంస్థ ముఖ్య ఉద్దేశ్యం.

నేడు, ఇయాసో తన మొట్టమొదటి ఏఐ ఆధారిత స్పీచ్ థెరపీ యాప్ 'ఎలోక్వెంట్' ను విడుదల చేసింది. ఇది వినియోగదారులు అనర్గళంగా మాట్లాడటం ప్రాక్టీస్ చేయడానికి, ఆత్మవిశ్వాసాన్ని పెంపొందించుకోవడానికి, నిజ జీవితంలోని సంభాషణ సవాళ్లను అధిగమించడానికి రూపొందించబడింది.

'ఎలోక్వెంట్' యాప్ ప్రత్యేకతలు:

అధునాతన సాంకేతికత:

ఆధునిక ఏఐ టెక్నాలజీతో పాటు జెంటిల్ ఆన్‌సెట్స్, రిథమిక్ స్పీచ్ ఎక్సర్‌సైజ్, శ్వాస నియంత్రణ వంటి నిరూపితమైన పద్ధతులను ఈ యాప్ ఉపయోగిస్తుంది.

వినియోగదారులు రోజువారీ సందర్భాల్లో ఎలా మాట్లాడాలో ఈ యాప్ ద్వారా ప్రాక్టీస్ చేయవచ్చు. ప్రారంభ పైలట్ ప్రాజెక్ట్ ఫలితాల ప్రకారం, వినియోగదారులలో నత్తి తీవ్రత 53% తగ్గింది . వారి కమ్యూనికేషన్ పట్ల ఆత్మవిశ్వాసం 34% పెరిగింది .

విస్తరణ:

జూలై 2024లో ప్రయోగాత్మకంగా ప్రారంభమైనప్పటి నుండి, ఎలోక్వెంట్ యాప్ 200 దేశాలలో 30,000 కంటే ఎక్కువ మంది వినియోగదారులకు చేరువైంది. ఇందులో ప్రతిరోజూ ప్రాక్టీస్ చేసే వ్యక్తులు, ప్రొఫెషనల్స్, తల్లిదండ్రులు, స్పీచ్ థెరపిస్టులు కూడా ఉన్నారు.

వినియోగదారులను నిరంతరం ప్రోత్సహించడానికి ఈ యాప్‌లో గేమిఫికేషన్ పద్ధతిని కూడా ప్రవేశపెట్టారు. దీనివల్ల థెరపీ అనేది విసుగు పుట్టించకుండా ఆసక్తికరంగా సాగుతుంది.

భవిష్యత్తు ప్రణాళికలు:

రాబోయే కాలంలో ఈ యాప్‌ను ప్రాంతీయ భాషలలో అందుబాటులోకి తీసుకురావాలని, అలాగే ఇతర కమ్యూనికేషన్ సమస్యలకు కూడా పరిష్కారాలను చూపాలని ఇయాసో లక్ష్యంగా పెట్టుకుంది. టెక్నాలజీ సహాయంతో నత్తి సమస్య ఉన్నవారు తమ గొంతును ప్రపంచానికి వినిపించేలా చేయడమే తమ విజన్ అని సంస్థ పేర్కొంది.

నత్తి సమస్య కోసం ఇలాంటి యాప్‌లు గతంలో కూడా అందుబాటులో ఉన్నాయి. అయితే 'ఎలోక్వెంట్' లాంటి కొత్త యాప్‌లు ఏఐ ని ఉపయోగించి మరింత మెరుగ్గా పనిచేస్తున్నాయి.

ఇంతకుముందు ప్రాచుర్యంలో ఉన్న కొన్ని ముఖ్యమైన యాప్‌లు, వాటి పద్ధతులు ఓసారి చూద్దాం

స్టామరై

ఇది ప్రపంచవ్యాప్తంగా చాలా మంది ఉపయోగించే ప్రముఖ యాప్. ఇందులో కూడా స్పీచ్ ఎక్సర్‌సైజ్‌లు, బ్రీతింగ్ టెక్నిక్స్, రోజువారీ ప్రాక్టీస్ షెడ్యూల్స్ ఉంటాయి. ఇది కూడా భారతీయ స్టార్టప్ కావడం విశేషం.

స్పీచ్ బ్లబ్స్

ఇది ప్రధానంగా పిల్లల కోసం రూపొందించబడింది. ఆటలు, వీడియోల ద్వారా పిల్లలు పదాలను పలకడం నేర్చుకోవడానికి ఇది సహాయపడుతుంది.

డీఏఎఫ్ ప్రో

ఇది డి ఏ ఎఫ్ అనే టెక్నాలజీపై పనిచేస్తుంది. మీరు మాట్లాడేది కొంచెం ఆలస్యంగా మీ హెడ్‌ఫోన్స్‌లో మీకు వినిపిస్తుంది. ఇది నత్తిని తాత్కాలికంగా తగ్గించి, అనర్గళంగా మాట్లాడేలా చేయడానికి సహాయపడుతుంది.

టాక్ పాల్ /ఎల్స్ స్పీక్

ఇవి సాధారణంగా ఇంగ్లీష్ నేర్చుకోవడానికి వాడే ఏఐ యాప్‌లు అయినప్పటికీ, వీటిలో ఉండే స్పీచ్-టు-టెక్స్ట్ ఫీచర్ ద్వారా చాలా మంది ఉచ్చారణ మెరుగుపరుచుకోవడానికి వాడుతున్నారు.

'ఎలోక్వెంట్' కు మరియు పాత యాప్‌లకు తేడా ఏమిటి?

చాలా పాత యాప్‌లు కేవలం ప్రాక్టీస్ వీడియోలు లేదా బ్రీతింగ్ టెక్నిక్స్ మాత్రమే ఇచ్చేవి. కానీ 'ఎలోక్వెంట్' వంటి ఆధునిక యాప్‌లు:

ఏఐ ఫీడ్‌బ్యాక్:

మీరు మాట్లాడుతున్నప్పుడు ఎక్కడ తప్పులు వస్తున్నాయో ఏఐ వెంటనే గుర్తిస్తుంది.

రియల్-లైఫ్ సిమ్యులేషన్:

ఆఫీస్ మీటింగ్ లేదా షాపులో మాట్లాడటం వంటి సందర్భాలను క్రియేట్ చేసి ప్రాక్టీస్ చేయిస్తుంది.

గేమిఫికేషన్:

యూజర్లు విసుగు చెందకుండా లెవల్స్, రివార్డ్స్ ద్వారా ప్రోత్సహిస్తుంది.