దివంగత నేత జైపాల్ రెడ్డికి సీఎం రేవంత్ రెడ్డి నివాళులు

తెలంగాణ ముఖ్యమంత్రి ఏ. రేవంత్ రెడ్డి శుక్రవారం మాజీ కేంద్ర మంత్రి దివంగత ఎస్. జైపాల్ రెడ్డి జయంతి సందర్భంగా ఆయనకు పుష్పాంజలి ఘటించారు. నగరంలోని స్పూర్తి స్థల్‌లో నిర్వహించిన జైపాల్ రెడ్డి 84వ జయంతి కార్యక్రమంలో సీఎం రేవంత్ రెడ్డి పాల్గొన్నారు. ఈ కార్యక్రమానికి ఆయనతో పాటు పలువురు రాష్ట్ర మంత్రులు, కాంగ్రెస్ పార్టీకి చెందిన ఎంపీలు, ఎమ్మెల్యేలు, ఎమ్మెల్సీలు హాజరయ్యారు. జైపాల్ రెడ్డి కుటుంబ సభ్యులు కూడా కార్యక్రమంలో పాల్గొన్నారు.

ఈ సందర్భంగా జైపాల్ రెడ్డి ప్రజాసేవ, పార్లమెంటరీ విలువలు, దేశ రాజకీయాలకు ఆయన చేసిన సేవలను సీఎం రేవంత్ రెడ్డి స్మరించుకున్నారు. ప్రజల సమస్యలపై నిరంతరం పోరాడిన నాయకుడిగా జైపాల్ రెడ్డి గుర్తుండిపోతారని పేర్కొన్నారు.