తెలంగాణలో భారత జనగణన 2027కి కీలక నోటిఫికేషన్

తెలంగాణ ప్రభుత్వం భారత జనగణన 2027 కి సంబంధించి కీలకమైన నోటిఫికేషన్‌ను విడుదల చేసింది. జనగణన చట్టం, 1948 ప్రకారం ఈ ప్రక్రియలో ప్రజలు తమ బాధ్యతలను విధిగా నిర్వర్తించాలని ప్రభుత్వం స్పష్టం చేసింది. దేశ భవిష్యత్తు ప్రణాళికల్లో అత్యంత కీలకమైన జనగణన ప్రక్రియకు తెలంగాణ రాష్ట్రం సిద్ధమవుతోంది. ఈ సర్వే ద్వారా సేకరించే సమాచారం కేవలం అంకెలు మాత్రమే కాదని, రాబోయే దశాబ్ద కాలం పాటు రాష్ట్ర అభివృద్ధికి ఇది దిక్సూచిగా మారుతుందని ప్రభుత్వం పేర్కొంది.

ఈ ప్రక్రియ ద్వారా జనాభా లెక్కలతో పాటు గృహ వసతి, అక్షరాస్యత, ఆర్థిక కార్యకలాపాలు, వలసలు, ఇతర సామాజిక-ఆర్థిక అంశాలపై సమగ్రమైన డేటా సేకరించబడుతుంది. ఈ సమాచారాన్ని ప్రభుత్వం ప్రధానంగా వివిధ వర్గాల సంక్షేమం కోసం పథకాలను రూపొందించడం. మౌలిక సదుపాయాల కల్పన, వనరుల కేటాయింపు. అదేవిధంగా, నియోజకవర్గాల పునర్విభజన వంటి కీలక ప్రక్రియలకు కూడా ఈ డేటా ఆధారంగా ఉంటుంది. ప్రతి పౌరుడు జనగణన అధికారులకు పూర్తిస్థాయిలో సహకరించాలని ప్రభుత్వం కోరింది. అడిగిన ప్రశ్నలకు ఖచ్చితమైన, వాస్తవమైన సమాచారాన్ని అందించడం చట్టరీత్యా పౌరుల బాధ్యత అని గుర్తుచేసింది. తప్పుడు సమాచారం అందించడం లేదా అధికారులను అడ్డుకోవడం చట్టవిరుద్ధమని హెచ్చరించింది. రాష్ట్ర సమగ్ర అభివృద్ధి కోసం ప్రతి ఒక్కరూ భాగస్వాములు కావాలని ప్రభుత్వం విజ్ఞప్తి చేసింది.