డిఆర్ డిఓ విప్లవం: మైన్ నివారణకు అధునాతన మానవ చాలిత స్వయంప్రతిపత్త వాహనాలు
డీఆర్ డిఓ లోని కీలక ప్రయోగశాల అయిన విశాఖపట్నంలోని నావల్ సైన్స్ అండ్ టెక్నలాజికల్ లాబొరేటరీ, కొత్త తరం మ్యాన్-పోర్టబుల్ అటానమస్ అండర్వాటర్ వెహికల్స్ (మానవ చాలిత స్వయంప్రతిపత్త నీటి అడుగున వాహనాల)ను విజయవంతంగా అభివృద్ధి చేసింది. ఈ అధునాతన వ్యవస్థలను భారత నావికాదళం మైన్ నిరోధక చర్యలలో విప్లవాత్మక మార్పులు తీసుకురావడానికి ప్రత్యేకంగా రూపొందించింది.
ఈ వాహనాలు సముద్ర గర్భంలో లేదా జలమార్గాలలో దాగి ఉన్న మైన్లను (నీటి అడుగున పేలుడు పదార్థాలు) గుర్తించడం, వర్గీకరించడం ప్రధాన లక్ష్యంగా పనిచేస్తాయి. ఇది నౌకలు, జలాంతర్గాములు, తీరప్రాంత మౌలిక సదుపాయాలకు రక్షణ కల్పిస్తుంది.
సామర్థ్యాలు సాంకేతికత
బహుళ స్వయంప్రతిపత్త వాహనాల వ్యవస్థ:
ఈ వ్యవస్థలో ఒకే వాహనం కాకుండా, అనేక స్వయంప్రతిపత్త వాహనాలు కలిసి పనిచేస్తాయి. ఇది మరింత విస్తృతమైన ప్రాంతాన్ని తక్కువ సమయంలో శోధించడానికి వీలు కల్పిస్తుంది.
భార సామగ్రి :
అవి రెండు ప్రాథమిక సెన్సార్లతో అమర్చబడి ఉంటాయి.
పక్క వీక్షణ ధ్వని తరంగ పరికరం :
ఇది నీటి అడుగున ఉన్న వస్తువుల యొక్క అధిక-రిజల్యూషన్ చిత్రాలను రూపొందించడానికి ధ్వని తరంగాలను ఉపయోగిస్తుంది.
నీటి అడుగున కెమెరాలు:
ధ్వని తరంగ పరికరం గుర్తించిన వస్తువులను మరింత దగ్గరగా పరిశోధించి, కంటితో చూసి నిర్ధారించడం కోసం ఇవి ఉపయోగపడతాయి.
లోతైన అభ్యాస ప్రక్రియలు :
వాహనాలలో అమర్చబడిన కృత్రిమ మేధస్సు ఆధారిత ఈ పద్ధతులు, సోనార్/కెమెరా సమాచారాన్ని విశ్లేషించి, అవే స్వయంచాలకంగా మైన్-పోలిన వస్తువులను వర్గీకరిస్తాయి. దీనివల్ల ఆపరేటర్ యొక్క పనిభారం తగ్గి, కార్యకలాపం త్వరగా పూర్తవుతుంది.
నీటి అడుగున ధ్వని సంభాషణ వ్యవస్థ
: నీటి అడుగున రేడియో తరంగాలు పనిచేయవు కాబట్టి, ధ్వని తరంగాలను ఉపయోగించి వాహనాలు తమలో తాము నియంత్రణ కేంద్రంతో సమాచారాన్ని మార్పిడి చేసుకుంటాయి. ఇది మెరుగైన పరిసరాల పరిస్థితిపై పూర్తి అవగాహనకు దారితీస్తుంది. ఈ పూర్తి వ్యవస్థ ఒక సమన్వయ యూనిట్గా పనిచేయడానికి రూపొందించబడింది. ఇందులో ఒక ప్రాంతాన్ని స్కాన్ చేయడానికి బహుళ ఏయువి లు కలిసి పనిచేస్తాయి.
పోర్టబిలిటీ (సులభంగా తీసుకెళ్లగలిగే సామర్థ్యం):
"మ్యాన్-పోర్టబుల్" అంటే ఈ వాహనాలు చిన్న బృందాల ద్వారా లేదా వివిధ నౌకాదళ ప్లాట్ఫారమ్ల నుండి మోహరించడానికి తిరిగి తీసుకోడానికి వీలుగా కాంపాక్ట్గా (చిన్నవిగా) తేలికగా ఉంటాయి, ఇది మరింత కార్యాచరణ సౌలభ్యాన్ని అందిస్తుంది.
అధునాతన సాంకేతికత పేలోడ్లు
ఈ కొత్త ఏయువీ లు స్వయంప్రతిపత్తితో అత్యంత సమర్థవంతంగా మైన్లను వేటాడేందుకు వీలు కల్పించే అత్యాధునిక సాంకేతికతతో కూడి ఉన్నాయి. ముఖ్యంగా, ఇవి సముద్రపు అడుగు భాగాన్ని వివరంగా ఇమేజింగ్ చేయడానికి ఎమ్ ఎల్ ఓ లను గుర్తించి మ్యాప్ చేయడానికి సైడ్ స్కాన్ సోనార్ ను ప్రాథమిక సెన్సార్గా కలిగి ఉన్నాయి. సోనార్ గుర్తించిన వస్తువులను దృశ్యమానంగా నిర్ధారించడానికి వర్గీకరించడానికి నీటి అడుగున కెమెరాలు ద్వితీయ పేలోడ్గా పనిచేస్తాయి.
సాంకేతికపరంగా, ఇవి స్వయంప్రతిపత్తి గల లక్ష్య గుర్తింపు వర్గీకరణ కోసం ఆన్బోర్డ్ ఇంటెలిజెన్స్ అయిన డీప్ లెర్నింగ్ అల్గారిథమ్స్ ను ఉపయోగిస్తాయి. ఇది స్థిరమైన మానవ ప్రమేయం లేకుండానే మైన్లను గుర్తించడానికి ఏయువిలకు వీలు కల్పిస్తుంది. అంతేకాకుండా, ఆపరేషన్ల సమయంలో ఏయువిల మధ్య డేటాను మార్పిడి చేయడానికి వీలు కల్పించే దృఢమైన నీటి అడుగున అకౌస్టిక్ కమ్యూనికేషన్ వ్యవస్థ ఇందులో సమన్వయం చేయబడింది, తద్వారా ఆ ప్రాంతంపై మెరుగైన అవగాహనను సమిష్టిగా నిర్మించడంలో సహాయపడుతుంది.
కార్యాచరణ ప్రయోజనాలు
ఈ ఎమ్ పి -ఏయువిలు నౌకాదళ సామర్థ్యంలో ఒక ముఖ్యమైన ముందడుగును సూచిస్తాయి, ఇవి ఈ క్రింది ప్రయోజనాలను అందిస్తాయి
• డీప్ లెర్నింగ్ ఉపయోగించి స్వయంప్రతిపత్తి గల వర్గీకరణ, ఆపరేటర్ గంటల తరబడి సోనార్ డేటాను మాన్యువల్గా సమీక్షించవలసిన అవసరాన్ని తగ్గిస్తుంది.
• ఎమ్ఎల్ఓ లను స్వయంచాలకంగా గుర్తించడం, వర్గీకరించడం ద్వారా, ఒక నావికా ప్రాంతాన్ని క్లియర్ చేయడానికి పట్టే సమయం గణనీయంగా తగ్గుతుంది.
• వేగవంతమైన ప్రతిస్పందన సామర్థ్యం కలిగి వుంటాయి. దీనివలన వాటిని సులభంగా తరలించగలిగే స్వభావం కారణంగా, సంక్షోభం లేదా ఘర్షణ సమయంలో వాటిని త్వరగా మోహరించవచ్చు.
• ప్రమాదకరమైన మైన్-హంటింగ్ పనులను మానవరహిత వ్యవస్థలతో చేయించడం వల్ల మానవ డైవర్లు, పెద్ద యుద్ధనౌకలు ప్రమాదం నుండి సురక్షితంగా ఉంటాయి.దీనివల్ల కార్యాచరణ ప్రమాదం తగ్గుతుంది.
• నిర్వహణ సులభం కావడం, పరిమాణంలో చిన్నవిగా ఉండటం వలన, సాంప్రదాయ మైన్ వార్ఫేర్ ప్లాట్ఫారమ్లతో పోలిస్తే వీటికి తక్కువ లాజిస్టిక్ మద్దతు అవసరం దీనిద్వారా లాజిస్టిక్ అవసరం చాలా వరకు తగ్గుతుంది.
ప్రస్తుత స్థితి, ట్రయల్ విజయం:
క్షేత్రస్థాయి పరీక్షలు
నౌకా విజ్ఞాన ప్రయోగశాల హార్బర్ వద్ద విజయవంతంగా పరీక్షలు నిర్వహించబడ్డాయి. ఈ పరీక్షలు ముఖ్యమైన వ్యవస్థ పద్ధతులను, కార్యకలాపాల లక్ష్యాలను ధృవీకరించాయి.
ఉత్పత్తి
ఈ వ్యవస్థ త్వరలో అంటే మరో రెండు నెలల్లో ఉత్పత్తికి సిద్ధంగా ఉంటుంది. దీని కోసం పలు పారిశ్రామిక భాగస్వాములను భాగస్వామ్యం చేస్తున్నారు.
• ఎన్ఎస్ టిఎల్ హార్బర్లో నిర్వహించిన క్షేత్రస్థాయి ట్రయల్స్ వాహనం యొక్క కీలక సిస్టమ్ పారామితులను ముఖ్యమైన మిషన్ లక్ష్యాలను విజయవంతంగా ధృవీకరించాయి, తద్వారా ఇది మోహరింపుకు సిద్ధంగా ఉందని నిర్ధారించాయి.
• ఈ వ్యవస్థ రాబోయే కొద్ది నెలల్లో ఉత్పత్తికి సిద్ధంగా ఉంటుంది. వ్యవస్థను తయారు చేయడంలో బహుళ భారతీయ పరిశ్రమ భాగస్వాములు పాలుపంచుకోవడం వలన, స్వదేశీ రక్షణ తయారీకి ఇది మరింత ఊతమిస్తుంది.
• డిఆర్ డిఓ చైర్మన్ డాక్టర్ సమీర్ వి కామత్ ఈ విజయవంతమైన అభివృద్ధిని భారత నౌకాదళ మైన్ వార్ఫేర్ అప్లికేషన్ల కోసం మోహరించగలిగే, తెలివైన నెట్వర్క్ చేయబడిన మైన్ నిరోధక చర్యల పరిష్కారాన్ని సృష్టించడంలో ఒక ప్రధాన మైలురాయిగా అభివర్ణించారు.
మానవ చాలిత' అంటే ఏమిటి?
ఈ వాహనాలను సైనికులు లేదా నావికా సిబ్బంది సులభంగా మోసుకెళ్లగలరు. అంటే, దీని పరిమాణం, బరువు చాలా తక్కువగా ఉంటాయి. పెద్ద నౌకలు లేదా ప్రత్యేక పరికరాలు అవసరం లేకుండా, చిన్న ప్లాట్ఫారమ్ల నుండి లేదా తీరం నుండే వీటిని త్వరగా నీటిలోకి పంపవచ్చు. తీరప్రాంత గస్తీ, నౌకాశ్రయ భద్రత వంటి తక్షణ కార్యకలాపాలకు ఇది చాలా కీలకం. దీనివల్ల నిర్వహణ, రవాణా ఖర్చు, సంక్లిష్టత తగ్గుతుంది. సాధారణంగా స్వయంప్రతిపత్త వాహనాలలో ఉపయోగించే ఈ పరికరం, నీటి అడుగున ఒక వస్తువు యొక్క స్పష్టమైన 'ధ్వని చిత్రం'ను సృష్టిస్తుంది. మైన్లను గుర్తించడంలో ఇది కీలకం. వాహనాలు తమ పనిని స్వయంచాలకంగా పూర్తి చేయడంలో కృత్రిమ మేధస్సు ముఖ్యపాత్ర పోషిస్తుంది. మానవ ఆపరేటర్ ధృవీకరించాల్సిన అవసరం లేకుండా, కృత్రిమ మేధస్సు పద్ధతులు మైన్-పోలిన వస్తువులను మరింత ఖచ్చితత్వంతో వేరు చేయగలవు, తద్వారా తప్పుడు హెచ్చరికలను తగ్గిస్తాయి. నీటి అడుగున ధ్వని సంభాషణ అనేది వాహనాల వ్యవస్థకు జీవనాడి వంటిది. అనేక వాహనాలు ఒకేసారి పనిచేసినప్పుడు, అవి ఒకదానితో ఒకటి సమాచారాన్ని పంచుకునేందుకు వలయ అనుసంధానం చేస్తాయి. దీని ద్వారా, కార్యకలాపాల కమాండర్ ఒకే స్క్రీన్పై పూర్తి సమాచారాన్ని చూడగలుగుతారు.
భద్రతా ప్రాముఖ్యత
మైన్లు నౌకాదళానికి అతిపెద్ద ముప్పు. ఈ వాహనాలు భారతదేశ నౌకాదళం యొక్క మైన్ నివారణ సామర్థ్యాన్ని బలోపేతం చేస్తాయి. మైన్ల నివారణ అనేది చాలా ప్రమాదకరమైన పని. ఈ వాహనాలు ఆపరేషన్లలో మానవ సిబ్బంది యొక్క ప్రమాదాన్ని తగ్గిస్తాయి. ఈ ఎమ్ పి-ఏ యు వి ల అభివృద్ధి, భారతదేశం కేవలం ఆయుధాలను మాత్రమే కాకుండా, యుద్ధంలో వ్యూహాత్మక ప్రయోజనాలను అందించే అత్యాధునిక రోబోట్ ఆధారిత కృత్రిమ మేధస్సు సాంకేతికతలను కూడా అభివృద్ధి చేస్తోందని స్పష్టం చేస్తోంది.