టాటా కమ్యూనికేషన్స్, యుఎస్ ఆధారిత ఏఐ ప్లాట్ఫారమ్ కమ్యూషన్ లో 51% వాటా కొనుగోలు
టాటా కమ్యూనికేషన్స్ మంగళవారం నాడు, యుఎస్ ఆధారిత ఏఐ నేటివ్ ఎంటర్ప్రైజ్ సాస్ కంపెనీ అయిన కమ్యూషన్ ఇంక్ లో 51 శాతం వాటాను కొనుగోలు చేసినట్లు ప్రకటించింది. ఏఐ ఆధారిత కస్టమర్ అనుభవం డిజిటల్ ట్రాన్స్ఫర్మేషన్ సామర్థ్యాలను బలోపేతం చేసుకోవడానికి ఇది ఒక వ్యూహాత్మక చర్యగా భావించింది.
టాటా కమ్యూనికేషన్స్ (నెదర్లాండ్స్) బి.వి అనే దాని యాజమాన్యంలోని అనుబంధ సంస్థ ద్వారా ఈ ఒప్పందం జరిగింది. కాగా ఇది డిసెంబర్ 1 న పూర్తయింది.
సుమారు యూఎస్డీ 25.5 మిలియన్లు (రూ. 227 కోట్లు) విలువైన ఈ కొనుగోలులో, ఇప్పటికే ఉన్న పెట్టుబడిదారుల నుండి వాటాల కొనుగోలు, కంపెనీలోకి కొత్త మూలధనం చేర్చడం రెండూ ఉన్నాయి. ఈ లావాదేవీ పూర్తిగా నగదు ఆధారితమైనదని, సంబంధిత పార్టీ ఏర్పాటు కిందకు రాదని కంపెనీ మంగళవారం స్టాక్ ఎక్స్ఛేంజీలకు దాఖలు చేసిన పత్రంలో తెలియజేసింది.
2022లో ప్రారంభమైన కమ్యూషన్ ఇంక్, కంపెనీలు డిజిటల్ ప్లాట్ఫారమ్లలో కస్టమర్లతో నిజ సమయంలో మాట్లాడటానికి, వారి అభిరుచులకు తగ్గట్టుగా సంభాషణను మార్చడానికి ఏఐ ఆధారిత టెక్నాలజీని తయారు చేస్తుంది.
దాని ప్లాట్ఫారమ్ వాయిస్ ఏఐ ఓమ్నిఛానెల్ సిఎక్స్ ఆటోమేషన్, స్వయంప్రతిపత్త డిజిటల్ ఏజెంట్లను అనుసంధానిస్తుంది, కస్టమర్ ఫేసింగ్ కార్యకలాపాలు, అంతర్గత ఎంటర్ప్రైజ్ వర్క్ఫ్లోలకు మద్దతు ఇస్తుంది. కమ్యూషన్ ఇంక్ డిసెంబర్ 31, 2024 తో ముగిసిన సంవత్సరానికి యూఎస్డీ 118,750 ఆదాయాన్ని కలిగి ఉంది.
టాటా కమ్యూనికేషన్స్ ఎమ్ డి, సిఇఓ ఎ.ఎస్. లక్ష్మీనారాయణన్ మాట్లాడుతూ "ఏఐ యుగంలో కస్టమర్ అనుభవాన్ని పునర్నిర్వచించడంలో ఈ కొనుగోలు మా ప్రయాణంలో ఒక ముఖ్యమైన అడుగు అన్నారు. కమ్యూషన్ సామర్థ్యాలు ఇప్పటికే టాటా కమ్యూనికేషన్స్ కాలేరాలో ఏకీకృతం చేయబడటంతో, మేము అసాధారణమైన కస్టమర్ ఆకర్షణను చూస్తున్నామన్నారు. ఈ మొమెంటం మా సంస్థను ఏఐ ఫస్ట్ సంస్థగా మార్చడాన్ని మరింత వేగవంతం చేస్తుందని, మా డిజిటల్ ఫ్యాబ్రిక్ను మరింత తెలివైనదిగా, అనుకూలమైనదిగా, భవిష్యత్తుకు సిద్ధంగా ఉండేలా చేస్తుందని మేము ఆశిస్తున్నాము."అని అన్నారు.
కమ్యూషన్ ఇంక్ సిఇఓ బి.మురళి స్వామినాథన్ మాట్లాడుతూ: "మా ప్రయాణంలో ఈ ముఖ్యమైన మైలురాయిని చేరుకున్నందుకు మేము సంతోషిస్తున్నాము. ఇది కేవలం పెట్టుబడి గురించి మాత్రమే కాదు. ఇది నమ్మకం, భాగస్వామ్య ఉద్దేశ్యం అన్నారు. మా ఆవిష్కరణ వేగాన్ని టాటా కమ్యూనికేషన్స్ ప్రపంచవ్యాప్త విస్తీర్ణం, విశ్వసనీయ బ్రాండ్, డిజిటల్ నైపుణ్యంతో కలపడం గురించి అన్నారు. మేము కలిసి మా భాగస్వామ్యం తో అనేక పరిశ్రమ రంగాలలో ఏఐ పూర్తి సామర్థ్యాన్ని ఆవిష్కరిస్తాము, భాధ్యతాయుతంగా స్థాయిని పెంచే, ప్రపంచం పనిచేసే విధానాన్ని మార్చే పరిష్కారాలను కనుగొంటాము. భవిష్యత్తు కేవలం రావడం లేదు. అది ఇక్కడే ఉంది, అది ప్రపంచవ్యాప్తం." అని అన్నారు.