జీఎస్టీ కేసులో స్థిరాస్తులు అటాచ్​ చేసిన ఈడీ

జార్ఖండ్, పశ్చిమబెంగాల్, ఢిల్లీ తదితర ప్రాంతాల్లో 135 షెల్ కంపెనీలు ఏర్పాటు చేసి కొంతమంది వ్యక్తులు మోసానికి పాల్పడడంతో ఈడీ వారి ఆస్తులను అటాచ్​ చేసింది. అధికారులు తెలిపిన వివరాల ప్రకారం శివకుమార్​ దేవరా, అమిత్ గుప్తా, సుమిత్ గుప్తా, అమిత్ అగర్వాల్ లు కలిసి సిండికేట్​ పద్ధతిలో కంపెనీలు ఏర్పాటు చేశారు. ఆ కంపెనీల నుంచి ఎటువంటి వస్తువులు సరఫరా కాకుండానే జీఎస్టీ ఇన్ వాయిస్​ లు జారీచేశారు. దీంతో రూ.734 కోట్లకు పైగా విలువైన నకిలీ ఇన్​ ఫుట్ టాక్స్ క్రెడిట్ ని మోసపూరితంగా సృష్టించి బదిలీ చేశారని ఈడీ అధికారులు తెలిపారు. దీంతో సెప్టెంబర్ 29 న రాంచీలోని ఈడీ జోనల్​ కార్యాలయం పశ్చిమబెంగాల్, హౌరాలో అమిత్ గుప్తా, అతని సహచరులకు చెందిన రూ. 15.41 విలువైన స్థిరాస్తులను మనీ లాండరింగ్​ నిరోధక చట్టం కింద ఈడీ అటాచ్​ చేసింది. వీరిపై గతంలోనే అనేక ఫిర్యాదులు వచ్చాయన్నారు.

ఈ జీఎస్టీ నుంచి తప్పించుకోవడం వల్ల నిందితులు రూ.67 కోట్ల కమిషన్​ సంపాదించారని, ఇది ఆక్రమ ఆదాయమని విచారణలో తేలిందని ఈడీ అధికారులు తెలిపారు. అమిత్ గుప్తా ఈ ఆదాయాన్ని సక్రమమైన ఆదాయంగా చూయించడానికే స్థిరాస్తులను కొనుగోలు చేశారన్నారు. దర్యాప్తులో అనేక విషయాలను వెల్లడించలేదని, ఉద్దేశ పూర్వకంగా వారు దర్యాప్తుకు సహకరించలేదన్నారు. ఈ ఏడాది మే 8న ఈడీ సోదాలు నిర్వహించి శివకుమార్​ దేవ్​ రా, మోహిత్​, అమిత్​ గుప్తా, అగర్వాల్ లను అరెస్ట్ చేశారు. వీరు ప్రస్తుతం జ్యుడిషియల్ కస్టడీలో ఉన్నారు.