గ్లోబల్ సమ్మిట్ రియల్ ఎస్టేట్ ఎక్స్‌పో : మాజీమంత్రి హ‌రీష్

తెలంగాణ ముఖ్యమంత్రి రేవంత్ రెడ్డి నిర్వహించిన గ్లోబల్ సమిట్‌పై తీవ్ర విమర్శలతో కూడిన సమీక్షగా మారింది. సమీక్షకులు ఈ సమిట్‌ను నిజంగా “గ్లోబల్ సమిట్” కంటే రియల్ ఎస్టేట్ ప్రదర్శన, పీఆర్ స్టంట్ మాత్రమేగా వర్ణించారు. ఫ్యూచర్ సిటీ వేదికగా చేసిన ఈ సమిట్ అంతర్జాతీయ స్థాయిలో రాష్ట్రానికి మద్దతు ఇవ్వలేదు; భూములు అమ్ముకునే వేదికగా మాత్రమే మార్చబడింది అని మాజీమంత్రి హ‌రీష్ విమ‌ర్శించారు.

ఈ సంద‌ర్బంగా హ‌రీష్ రావు ఎక్స్ వేదిక ద్వారా మాట్లాడుతూ.. ముఖ్యమంత్రి రేవంత్ రెడ్డి ప్రభుత్వం నిర్వహించిన 'తెలంగాణ రైజింగ్ గ్లోబల్ సమ్మిట్ 2025' పెట్టుబడుల కోసం కాకుండా, భూములు అమ్ముకోవడానికి ఏర్పాటు చేసిన 'రియల్ ఎస్టేట్ ఎక్స్‌పో' లాగా ఉందని ప్రతిపక్ష బీఆర్‌ఎస్ పార్టీ మాజీమంత్రి హ‌రీష్ రావు విమర్శించారు. రెండేళ్ల పాలన వైఫల్యాల నుంచి ప్రజల దృష్టి మళ్లించేందుకు సీఎం చేసిన పీఆర్ స్టంట్ గా ఈ సమ్మిట్‌ను ఆయ‌న‌ అభివర్ణించింది.

అట్టర్ ఫ్లాప్ షో: అంతర్జాతీయంగా పరువు పోయింది

ఈ సమ్మిట్ కోసం విడుదల చేసిన విజన్ డాక్యుమెంట్‌లో 'విజన్' లేదు, దానిని చేరుకునే 'మిషన్' లేదు. అక్షరాలు, అంకెలు, రంగుల పేజీలతో అర్థం లేకుండా అల్లిన అబద్ధాలు, అర్థ సత్యాల 'విజన్‌లెస్' డాక్యుమెంట్ అది. దానికి 'శాంటిటీ' లేదని ఆయ‌న‌ ఆరోపించారు. సమ్మిట్ కోసం ప్రభుత్వం చేసిన ప్రకటనల్లో 18 రాష్ట్రాల ముఖ్యమంత్రులు, 5వేల మంది విదేశీ ప్రతినిధులు రావాలని చెప్పారు. కానీ మంత్రులు లేదా ముఖ్యమంత్రులు పెద్దగా హాజరు కాలేదు. డీకే శివకుమార్ తప్ప కాంగ్రెస్ ఎంపీలు, ఏఐసీసీ నేతలు కూడా రాలేని పరిస్థితి. చివరికి, ఎంబీఏ విద్యార్థులు, స్థానిక కాంగ్రెస్ కార్యకర్తలను కూర్చోబెట్టి సమావేశాన్ని పూర్తి చేశారు అని ఆయ‌న అన్నారు.

రియల్ ఎస్టేట్ స్కాం కోసమే ఫ్యూచర్ సిటీ

ఫ్యూచర్ సిటీ పేరుతో రేవంత్ రెడ్డి ప్రభుత్వం రియల్ ఎస్టేట్ స్కాంకు తెరతీసిందని హ‌రీష్ తీవ్రమైన ఆరోపణలు చేశారు. ఫార్మా సిటీ భూముల్లో ఫ్యూచర్ సిటీ అని, ఆ ఫ్యూచర్ సిటీలో పెట్టుబడుల కోసం గ్లోబల్ సమ్మిట్ అని ఒక అందమైన కట్టుకథ అల్లారు. ఇది ఒక బయో స్కోప్ సినిమా, అని ఆయ‌న‌ విమర్శించారు. భూముల స్కాం, పవర్ స్కాం, లిక్కర్ స్కాంల తర్వాత ఇప్పుడు రియల్ ఎస్టేట్ స్కాం మొదలుపెట్టారని ఆయ‌న‌ ఆరోపించారు. ఫార్మా సిటీ పక్కన ఉన్న భూములను ముందుగానే బినామీలతో కొనిపించి, లే అవుట్లు చేసి పెట్టుకున్నారని ఇప్పుడు అక్కడ గ్లోబల్ సమ్మిట్ పెట్టి, ఆ భూములను తెగ నమ్మడానికి ప్లాన్ వేశారని ఆయ‌న‌ ఆరోపించారు.

గత పెట్టుబడులు ఏమయ్యాయి? శ్వేతపత్రం విడుదల చేయాలి

2024 జనవరిలో దావాస్ సమావేశానికి వెళ్లిన రేవంత్ రెడ్డి, ఐటీ మంత్రితో కలిసి 40,232 కోట్లు పెట్టుబడులు వచ్చేలా, 2,500 ప్రత్యక్ష ఉద్యోగాలు వస్తాయని ప్రకటించారు. కానీ ఆ పెట్టుబడులు, ఉద్యోగాలు ఎక్కడకు వెళ్లాయో స్పష్టంగా తెలియడం లేదు. అదే విధంగా 2024 సెప్టెంబర్‌లో జరిగిన ఏఐ గ్లోబల్ సమిట్‌లో 100 దేశాల కంపెనీలు పాల్గొన్నాయని, 20 అవగాహన ఒప్పందాలు కుదుర్చుకున్నారని ప్రభుత్వం పేర్కొంది. కానీ ప్రతిఫలాలు దాదాపుగా లేనట్టే ఉందని ఆ పెట్టుబడులు ఏమయ్యాయి? ఆ ఉద్యోగాలు ఎక్కడ వచ్చాయి? అని ఆయ‌న పేర్కొన్నారు.

రాష్ట్ర ప్రభుత్వం వరల్డ్ ఎకనామిక్ ఫోరం దావాస్ సమావేశాల్లో కూడా పెద్ద మొత్తంలో పెట్టుబడులు వస్తాయని ప్రకటించింది. 1.78 లక్షల కోట్ల రూపాయల పెట్టుబడులు, 49,550 ఉద్యోగాలు వస్తాయని చెప్పబడింది. కానీ ఆ పెట్టుబడులు ఎక్కడకి వెళ్ళాయో, ఎన్ని కంపెనీలు గ్రౌండ్ అయ్యాయో, ఉద్యోగాలు ఎక్కడికి వచ్చాయో ఏ స్పష్టత లేదు. సమీక్షకులు పునరావృతంగా అడుగుతున్నారు. ఈ పెట్టుబడులు ఎవరి జేబులోకి వెళ్లాయి? అని ఆయ‌న పేర్కొన్నారు.

రెండేళ్ల పాలన వైఫల్యాల నుంచి దృష్టి మరల్చడానికి, రేవంత్ రెడ్డి నిర్వహించిన ఈ గ్లోబల్ సమిట్ ఎటువంటి వాస్తవిక ఫలితాలను ఇవ్వలేదని, రెండు రోజుల పాటు జరిగిన సమ్మిట్ లో ఏకంగా 5లక్షల కోట్ల పై చిలుకు పెట్టుబడులు, వేల సంఖ్యలో ఉద్యోగాలు అంటున్నారు.హరీష్ రేవంత్ రెడ్డికి బహిరంగ సవాల్ విసిరారు. దమ్ముంటే స్వీకరించు. రెండేళ్లుగా కోట్లు ఖర్చు చేసి నువ్వు తిరిగిన దేశాలు,దావోస్, అమెరికా, సౌత్ కొరియా, జపాన్, సింగపూర్ కంపెనీలు ఎక్కడకు పోయాయి, పెట్టుబడులు ఎవరి జేబుల్లోకి వెళ్లాయని ఆయన ప్రశ్నించారు. నిర్వహించిన సమ్మిట్స్ ద్వారా మొత్తం ఎన్ని కోట్ల పెట్టుబడులు వచ్చాయి? అందులో ఎన్ని కంపెనీలు గ్రౌండ్ అయ్యాయి? ఎంత మంది తెలంగాణ బిడ్డలకు ఉద్యోగాలు వచ్చాయి.. శ్వేతపత్రం విడుదల చేయాలని మాజీమంత్రి హ‌రీష్ రావు డిమాండ్ చేశారు.

గ్లోబల్ సమ్మిట్ పేరుతో ఆర్భాటం…

ముఖ్యమంత్రి రేవంత్ రెడ్డి ప్రభుత్వం విదేశీ పర్యటనలు, గ్లోబల్ సమ్మిట్ పేరుతో చేస్తున్న ఆర్భాటం, ఆచరణకు నోచుకోని ఆరు గ్యారెంటీల వలే ఉందని ఆయ‌న‌ పార్టీ తీవ్రస్థాయిలో విమర్శించారు. 'క్యూర్, ప్యూర్, రేర్' అంటూ మాట్లాడుతున్న రేవంత్ రెడ్డి, తెలంగాణను కొల్లగొడుతున్న 'చోర్' (దొంగ) అని హ‌రీష్ రావు ఆరోపించారు.

పారిశ్రామిక కేంద్రీకరణ – విధాన వైఫల్యం

2025–26 బడ్జెట్ ప్రసంగంలో ప్రకటించిన “మెగా మాస్టర్ ప్లాన్ 2050” ప్రకారం పరిశ్రమలను రాష్ట్రవ్యాప్తంగా వికేంద్రీకరించుతామని ప్రభుత్వం చెప్పినా, ఇప్పుడు మాత్రం ఫ్యూచర్ సిటీ పేరిట ఒకే ప్రాంతంలో పరిశ్రమలను కేంద్రీకరిస్తూ, రాష్ట్ర అభివృద్ధి దిశనే మార్చేస్తోందని హ‌రీష్ విమర్శించారు. పరిశ్రమలకు అనుకూల వాతావరణం దెబ్బతినడంతో హైదరాబాద్‌కు చెందిన ప్రముఖ ఫార్మా కంపెనీలు ఆంధ్రప్రదేశ్‌కు వలస వెళ్తున్నాయన్నద‌ని ఆయ‌న ఆరోపణలు చేశారు. సిగాచి ఇండస్ట్రీస్, విరూపాక్ష ఆర్గానిక్స్ వంటి కంపెనీలు ఇప్పటికే కర్నూలు జిల్లా ఓర్వకల్ ఇండస్ట్రియల్ పార్క్‌లో కు తరలివెళ్లాయని ఉదహరించారు. ఈ కంపెనీలు అక్కడ రూ.2,315 కోట్ల పెట్టుబడులు పెట్టి, 3,000 ఉద్యోగాలు ఇచ్చే ప్రణాళికలు రూపొందించాయని ఆయ‌న పేర్కొన్నారు.

శాంతిభద్రతలు, దిగజారుడు నిర్వచనాలు

ఒక వైపు ప్రభుత్వం గ్లోబల్ సమ్మిట్ జరుగుతుంటే, మరో వైపు హైదరాబాద్‌లో నడిరోడ్డుపై జరిగే హత్యలు రాష్ట్ర చట్టవ్యవస్థ ఎంతగా దెబ్బతిందో చూపుతున్నాయని ఆయ‌న‌ విమర్శించారు. తెలంగాణ అంటే బిజినెస్ అని వ్యాఖ్యానించే ప్రభుత్వ నేతలకు ప్రజల కష్టాలు కనిపించడం లేదని ఆయ‌న‌ ఆరోపించారు.

అంబానీ, అదానీలకు ఎర్ర తివాచీ

రాహుల్ గాంధీ తరచూ విమర్శించే అంబానీ, అదానీలను రేవంత్ రెడ్డి మాత్రం తెలంగాణకు ఆహ్వానించి “ఎర్ర తివాచీ పరచడం” వెనుక దాగి ఉన్న ప్రయోజనం ఏమిటని ఆయ‌న‌ ప్రశ్నించారు. గతంలో విమర్శలతో వెనక్కు పంపిన రూ.100 కోట్ల అదానీ విరాళం చెక్కను ఇప్పుడు మరోసారి గ్లోబల్ సమ్మిట్ వేదికపై ఒప్పందాల రూపంలో తిరిగి ఆహ్వానించడం ద్వంద్వ వైఖరికి నిదర్శనమని ఆయ‌న‌ మండిపడ్డారు.గ్లోబల్ సమ్మిట్ లో ఎంఓయూ ల వెనుక చీకటి ఒప్పందాలు, అంకెల గారడీ తప్ప ప్రజలకు పనికొచ్చే పనులు ఏమీలేదని ఆయ‌న‌ పేర్కొన్నారు. కోట్లాది రూపాయల ఖర్చుతో నిర్వహించిన ఈ సమ్మిట్‌లో పెట్టుబడుల కంటే రియల్ ఎస్టేట్ స్కెచ్‌లు ఎక్కువగా కనిపించాయని ఆయ‌న‌ అన్నారు. సీఎం రేవంత్ అలాగే కాంగ్రెస్ ముఖ్య నేతల బినామీలతోనే ఒప్పందాలు జరిగాయని, వాటి పూర్తి వివరాలను త్వరలో బయటపెడతామని ఆయ‌న‌ హెచ్చరించారు.

పీఆర్ స్టంట్‌ను ముఖం చాటేసిన అగ్రనేతలు

గతంలో గుజరాత్, కేరళ వంటి రాష్ట్రాల సమ్మిట్‌లను పీఆర్ స్టంట్‌లుగా కాంగ్రెస్ అగ్రనేతలే విమర్శించారని, అందుకే రేవంత్ గ్లోబల్ సమ్మిట్‌ను కూడా పీఆర్ స్టంట్‌గా భావించి రాహుల్, ప్రియాంక, ఖర్గే వంటి అగ్ర నాయకులు ముఖం చాటేశారని ఆయ‌న‌ ఎద్దేవా చేశారు.

కేసీఆర్ పాలనను ప్రశంసించిన గ్లోబల్ అతిథులు

సీఎం రేవంత్ రెడ్డి సమక్షంలోనే సమ్మిట్‌లో పాల్గొన్న అంతర్జాతీయ ప్రముఖులు బీఆర్‌ఎస్ పాలనలో జరిగిన అభివృద్ధిని ప్రశంసించారని హ‌రీష్ రావు గుర్తు చేశారు. వేదికపై బ్రిటన్ మాజీ ప్రధాని టోనీ బ్లెయిర్, ఆర్బీఐ మాజీ గవర్నర్ దువ్వూరి సుబ్బారావు వంటి అంతర్జాతీయ, జాతీయ నాయకులు కేసీఆర్ పాలనలో తెలంగాణ సాధించిన రికార్డు అభివృద్ధిని బహిరంగంగా ప్రశంసించడం రేవంత్ రెడ్డికి గట్టి చెంపదెబ్బలాంటిదని ఆయ‌న పేర్కొన్నారు.

రాష్ట్ర ప్రభుత్వ విధానాలు, అవినీతి ఆరోపణలు, పెట్టుబడులు ఆకర్షించడంలో వైఫల్యాన్ని కప్పిపుచ్చేందుకు రేవంత్ రెడ్డి గ్లోబల్ సమ్మిట్ వంటి ఆర్భాట కార్యక్రమాలను ఉపయోగించుకుంటున్నారని ఆయ‌న‌ ఆరోపించారు. కేసీఆర్ పదేళ్ల పాలన గురించి నోటికి వచ్చినట్లు మాట్లాడే రేవంత్ రెడ్డి ఇప్పటికైనా బుద్ధి తెచ్చుకోవాలని. చిల్లర చేష్టలు, వాటాలు, కమీషన్ల కోసం కేసీఆర్ చేసిన అభివృద్ధిని నాశనం చేయొద్దు.. చేతనైతే ఆ అభివృద్ధిని కొనసాగించి చూపాలి గానీ, విద్వంసం చేయొద్దు, అని హ‌రీష్ రావు హితవు పలికారు.