గుజరాత్ లో హై-స్పీడ్ కారిడార్లు: సీఎం భూపేంద్ర పటేల్

గుజరాత్ ముఖ్యమంత్రి భూపేంద్ర పటేల్ గుజరాత్ రాష్ట్ర రహదారుల మౌలిక సదుపాయాలను అభివృద్ధి చేయడానికి ₹7,737 కోట్లను 124 ప్రాజెక్టులకు మంజూరు చేశారు. ఈ ప్రాజెక్టులు ప్రధానంగా మూడు విభాగాలలో విస్తరించనున్నారు. ఈ ప్రాజెక్ట్ ల వల్ల గుజరాత్ అభివృద్ధి మరింత పెరగనుందని ముఖ్య మంత్రి భూపేంద్ర పటేల్ ప్రకటించారు.

గుజరాత్ హై-స్పీడ్ కారిడార్లు - ₹5,576 కోట్లు, 809 కిలోమీటర్లు

ఈ ప్రాజెక్టులలో ప్రధాన భాగం ₹5,576 కోట్లతో 809 కిలోమీటర్ల పొడవు గల 9 హై-స్పీడ్ కారిడార్ల అభివృద్ధి. ఈ కారిడార్లు, రహదారుల భద్రతను పెంచడం, ప్రయాణ సమయాన్ని తగ్గించడం, రవాణా సౌకర్యాలను మెరుగుపరచడం లక్ష్యంగా ఉన్నాయి. మంజూరైన కారిడార్లు:

• బాగోడర – ధంధూక – బర్వాల – బోటాద్ (92.23 కిలోమీటర్లు) – ₹67.43 కోట్లు

• బోటాద్ – ధాసా – చవంద్ – అమ్రేలి – బాగసరా – బిల్ఖా – మేందరాడ (67.30 కిలోమీటర్లు) – ₹158.6 కోట్లు

• మేందరాడ – కేశోద్ – మంగ్రోల (48.55 కిలోమీటర్లు) – ₹81.38 కోట్లు

• ఉంజా – పటాన్ – షిహోరి – డియోడర్ – భాభర్ (105.05 కిలోమీటర్లు) – ₹858.39 కోట్లు

• కర్జన్ – దభోయ్ – బోడెలి (71.10 కిలోమీటర్లు) – ₹331.16 కోట్లు

• దేహగామ్ – బాయాద్ – లునవాడ – సంత్రమ్పూర్ – జలోద్ (167.54 కిలోమీటర్లు) – ₹1,514.41 కోట్లు

• అహ్మదాబాద్ – హార్సోల్ – గాంభోయ్ – విజయనగర్ (143.30 కిలోమీటర్లు) – ₹640.30 కోట్లు

• సంత్రమ్పూర్ – మోర్వా హడఫ్ – సంత్రోడ్ (49.90 కిలోమీటర్లు) – ₹861.71 కోట్లు

• సంత్రోడ్ – దేవగఢ్ బారియా – చిన్న ఉదేపూర్ (64.05 కిలోమీటర్లు) – ₹1,062.82 కోట్లు

ఈ కారిడార్ల అభివృద్ధి ద్వారా రవాణా సమయాన్ని తగ్గించడం, లాజిస్టిక్స్ సామర్థ్యాన్ని పెంచడం, వాణిజ్య, పరిశ్రమల అభివృద్ధికి తోడ్పడడం లక్ష్యంగా ఉంది.

వాతావరణ అనుకూల**, **సాంకేతికంగా ఆధునిక రహదారులు** - **₹1,147 కోట్లు, 271 కిలోమీటర్లు

₹1,147 కోట్లతో 20 వాతావరణ అనుకూల, సాంకేతికంగా ఆధునిక రహదారుల అభివృద్ధి ప్రాజెక్టులు చేపట్టబడతాయి. ఈ రహదారుల నిర్మాణంలో వేస్ట్ ప్లాస్టిక్, వైట్ టాపింగ్, జియో-గ్రిడ్ , గ్లాస్-గ్రిడ్ రీన్ఫోర్స్మెంట్, సిమెంట్ స్థిరీకరణ ఫ్లై యాష్ వినియోగం వంటి సాంకేతికతలను ఉపయోగిస్తారు. ఈ రహదారులు దీర్ఘకాలికంగా, తక్కువ నిర్వహణ ఖర్చులతో, పర్యావరణ అనుకూలంగా ఉంటాయి.

ఉపరితల నాణ్యత మెరుగుదల **- **₹986 కోట్లు, 803 కిలోమీటర్లు

₹986 కోట్లతో 79 ప్రాజెక్టులు చేపడతారు. ఇవి మొత్తం 803 కిలోమీటర్ల పొడవు గల రహదారుల ఉపరితల నాణ్యతను మెరుగుపరచడం లక్ష్యంగా వీటిని నిర్మిస్తారు. ఈ ప్రాజెక్టులు రహదారుల భద్రతను పెంచడం, ప్రయాణ సౌకర్యాలను మెరుగుపరచడం కోసం చేపడుతున్నారు.

పి ఎమ్ **గతి శక్తి ఫ్రేమ్‌వర్క్‌తో సమన్వయం

ఈ హై-స్పీడ్ కారిడార్ల అభివృద్ధి పిఎమ్ గతి శక్తి ఫ్రేమ్‌వర్క్‌తో అనుసంధానించబడి ఉంటుంది. ఈ సమగ్ర మౌలిక సదుపాయాల అభివృద్ధి ప్రధాన లక్ష్యం వస్తువుల, వ్యక్తుల రవాణా సౌఖర్యాలను సులభతరం చేయడం. ఈ ప్రాజెక్టులు వాణిజ్యం, పరిశ్రమ, పర్యాటక రంగాల అభివృద్ధికి తోడ్పడతాయి. ఈ సమగ్ర రహదారి మౌలిక సదుపాయాల అభివృద్ధి గుజరాత్ రాష్ట్రం ఆర్థిక అభివృద్ధిని, కనెక్టివిటీని, సుస్థిర అభివృద్ధిని ప్రోత్సహించడంలో కీలక పాత్ర పోషిస్తుంది.