గిల్, సూర్యలకు పరీక్షా సమయం
టీ20 ప్రపంచకప్కు ముందు భారత ఓపెనర్ శుభమాన్ గిల్కు దక్షిణాఫ్రికాతో జరిగే మూడు మ్యాచ్ల సిరీస్ చాలా కీలకం కానుంది. ఫామ్లో లేని గిల్కు, కెప్టెన్ సూర్యకుమార్ యాదవ్కు ఈ సిరీస్ ఒక పరీక్ష వంటిది. తన స్థానాన్ని కాపాడుకోవడానికి శుభమాన్ గిల్కు దక్షిణాఫ్రికాతో మూడు మ్యాచ్లు దక్కే అవకాశం ఉంది. అతనికష్టకాలం ముగుస్తుందా లేదా అని తెలుసుకోవడానికి కౌంట్డౌన్ ప్రారంభమవుతుంది
హిమచ్ఛాదిత ధౌలాధర్ పర్వత శ్రేణి ఒడిలో, 10 డిగ్రీల ఉష్ణోగ్రతలలో భారత్, ప్రొటీస్తో ఆదివారం మూడవ టీ20l ఆడటానికి సిద్ధమవుతున్న వేళ, భారత డ్రెస్సింగ్ రూమ్లో ఒక్కసారిగా పరిస్థితులు వేడెక్కుతున్నాయి, సుదీర్ఘకాలంగా పేలవమైన ఫామ్తో ఉన్న కెప్టెన్ సూర్యకుమార్ యాదవ్ పరిస్థితి చర్చనీయాంశంగా మారింది.
స్థిరంగా రాణించడంలో విఫలమవుతున్న వైస్ కెప్టెన్ శుభమాన్ గిల్ తన స్థానాన్ని నిలబెట్టుకోవడానికి ఈ మూడు మ్యాచ్లలో తప్పనిసరిగా భారీ స్కోర్లు చేయాలి. లేదంటే, రాబోయే టి 20 ప్రపంచ కప్కు ముందు భారత జట్టు 'ప్లాన్ బి' వైపు మొగ్గు చూపే అవకాశం ఉంది. అప్పుడు సంజు శాంసన్ లేదా యశస్వి జైస్వాల్ వంటి ఆటగాళ్లు జట్టులోకి వచ్చే అవకాశం ఉంది.
కేవలం ఆరు వారాల్లో ప్రపంచ కప్ ప్రారంభం కానుండగా, సుదీర్ఘకాలంగా ఫామ్ కోల్పోయిన కెప్టెన్ సూర్యకుమార్ యాదవ్, శుభమాన్ గిల్ ప్రదర్శన భారత శిబిరంలో ఆందోళన కలిగిస్తోంది. ప్రపంచ కప్కు ముందు జట్టులో ఇద్దరు కీలక బ్యాటర్లు (సూర్య, గిల్) ఫామ్లో లేకపోవడంపై ప్రధాన కోచ్ గౌతమ్ గంభీర్ కూడా ఆందోళనతో ఉన్నారు. కెప్టెన్గా సూర్యకు మినహాయింపు ఉన్నా, గిల్కు మాత్రం ఇది కీలక పరీక్ష.
గత మ్యాచ్లో అక్షర్ పటేల్ను వన్ డౌన్లో పంపడం, శివమ్ దూబేను 8వ స్థానంలో పంపడం వంటి జట్టు యాజమాన్యం తీసుకున్న నిర్ణయాలను 'వ్యూహాత్మక వైఫల్యాలు'గా అభివర్ణించవచ్చు. మూడవ మ్యాచ్లో కెప్టెన్ సూర్యకుమార్ తన పాత నెం.3 స్థానానికి తిరిగి వచ్చే అవకాశం ఉంది. బ్యాటింగ్ డెప్త్ అవసరం కారణంగా, దక్షిణాఫ్రికా బ్యాటర్లను నిలకడగా ఇబ్బంది పెట్టే కుల్దీప్ యాదవ్ కు ప్లేయింగ్ ఎలెవన్లో చోటు దొరకడం కష్టమే. ఇద్దరు నాన్ బ్యాటింగ్ స్పిన్నర్లు (కుల్దీప్, వరుణ్) జట్టులో ఉండటం కష్టమని తెలుస్తోంది.
కుల్దీప్ యాదవ్కు చోటు ఉందా?
దక్షిణాఫ్రికా బ్యాటర్లను నిలకడగా ఇబ్బంది పెట్టిన బౌలర్లలో కుల్దీప్ యాదవ్ ఒకరు, కానీ నం.8 వరకు బ్యాటింగ్ చేయడం అనివార్యమైన భారత జట్టులో, ఈ లెఫ్ట్ ఆర్మ్ రిస్ట్ స్పిన్నర్ తరచుగా ప్రతికూల పరిస్థితిని ఎదుర్కొంటాడు. ధర్మశాలలో కూడా, అతను కూర్చోవలసి రావచ్చు, ఎందుకంటే కుల్దీప్, వరుణ్ చక్రవర్తి, ఇద్దరు నాన్ బ్యాటర్లను ఒకే టీ 20 ప్లేయింగ్ ఎలెవన్లో చేర్చడం వలన బ్యాటింగ్ డెప్త్లో రాజీ పడవలసి వస్తుంది.
అర్ష్దీప్కు ఈ సిరీస్లో అంతగా మంచి ప్రదర్శన లేకపోయినా, హార్దిక్ పాండ్యా జస్ప్రీత్ బుమ్రాతో కొత్త బంతిని పంచుకుంటే, టీమ్ మేనేజ్మెంట్ ప్లేయింగ్ ఎలెవన్లో కుల్దీప్కు స్థానం కల్పించగలదా అనేది ఆసక్తికరంగా ఉంటుంది.
కాగా ధర్మశాలలోని ఎచ్ పిసిఏ స్టేడియం పిచ్ అదనపు బౌన్స్ కదలికను అందిస్తుంది. ఇది నోర్ట్జే, జాన్సెన్ వంటి దక్షిణాఫ్రికా పేసర్లకు అనుకూలంగా ఉంటుంది. దక్షిణాఫ్రికా జట్టులో డి కాక్, మార్క్రమ్, మిల్లర్ వంటి ఆటగాళ్లు తిరిగి రావడంతో, ఈసారి భారత ఉపఖండంలో ట్రోఫీ గెలవడానికి కావాల్సిన బలంతో ఉన్నట్లు కనిపిస్తోంది.
భారత్ జట్టులో సూర్యకుమార్ యాదవ్ (కెప్టెన్), శుభమాన్ గిల్, అభిషేక్ శర్మ, ఎన్టీ తిలక్ వర్మ, అక్షర్ పటేల్, హార్దిక్ పాండ్యా, శివమ్ దూబే, జితేష్ శర్మ (వికెట్ కీపర్), వరుణ్ చక్రవర్తి, అర్ష్దీప్ సింగ్, జస్ప్రీత్ బుమ్రా, సంజు శాంసన్ (వికెట్ కీపర్), హర్షిత్ రాణా, కుల్దీప్ యాదవ్, వాషింగ్టన్ సుందర్ ఆడుతుండగా,
దక్షిణాఫ్రికా నుండి, ఐడెన్ మార్క్రమ్ (కెప్టెన్), క్వింటన్ డి కాక్, రీజా హెండ్రిక్స్, డెవాల్డ్ బ్రెవిస్, డేవిడ్ మిల్లర్, ట్రిస్టన్ స్టబ్స్, డొనోవన్ ఫెరీరా, మార్కో జాన్సెన్, లుథో సిపమ్లా, ఒట్నీల్ బార్ట్మాన్, అన్రిచ్ నోర్ట్జే, లుంగి ఎన్గిడి, కార్బిన్ బాష్, కేశవ్ మహారాజ్, జార్జ్ లిండే ఆడనున్నారు. ఈ మ్యాచ్ సాయంత్రం 7 గంటలకు ప్రారంభమవుతుంది.