కేంద్ర నిధులతోనే గ్రామాభివృద్ధి: ఎంపీ డీకే అరుణ
నారాయణపేట జిల్లా పర్యటనలో భాగంగా శుక్రవారం రతంగ్ పాండు రెడ్డి నివాసం వద్ద నిర్వహించిన విలేకరుల సమావేశంలో పాల్గొన్న ఎంపీ డీకే అరుణ, పంచాయతీ ఎన్నికల్లో డబ్బు ప్రభావంపై ఆందోళన వ్యక్తం చేశారు.
ఈ సమావేశంలో ఎంపీ డీకే అరుణ మాట్లాడుతూ..సర్పంచ్ ఎన్నికల తొలి విడత పూర్తయిన నేపథ్యంలో, రానున్న రెండో విడత ఎన్నికల సందర్భంగా ప్రజలు గ్రామాభివృద్ధిని కోరుకునే వారినే, అందుబాటులో ఉండే వారినే సర్పంచ్లుగా ఎన్నుకోవాలని ఆమె కోరారు.రెండవ విడత ఎన్నికలు 14వ తేదీన జరగబోతోందని తెలిపారు.
ప్రస్తుతం పంచాయతీ ఎన్నికల్లో డబ్బు ప్రభావం బలంగా కనిపిస్తున్నదని ఆమె ఆందోళన వ్యక్తం చేశారు. డబ్బు పెట్టి గెలిచిన నేతలకు గ్రామాభివృద్ధి పనులు చేయాలనే ఉద్దేశం ఉండదని, ఇది సార్వత్రిక సమస్యగా మారిందని తెలిపారు. గత ప్రభుత్వాలైన కాంగ్రెస్, బీఆర్ఎస్ ప్రభుత్వం గ్రామ పంచాయతీలకు ఇచ్చే నిధులు శూన్యం, చేసిన పనులకు బిల్లులు చెల్లించలేదని ఆమె విమర్శించారు. ప్రస్తుత ముఖ్యమంత్రి రేవంత్ రెడ్డి పీసీసీ చీఫ్గా ఉన్నప్పుడు సర్పంచ్లకు పెండింగ్ బిల్లులు చెల్లిస్తామని హామీ ఇచ్చి అధికారంలోకి వచ్చారని, అయితే ఇప్పటి వరకు బిల్లులు చెల్లించలేదని ఆమెపేర్కొన్నారు. గ్రామాభివృద్ధికి కేంద్రం, ప్రధాన మంత్రి నరేంద్ర మోదీ సర్కారు పెద్ద ఎత్తున నిధులు అందిస్తున్నదని, వీటితో సీసీ రోడ్లు, పాఠశాలలు, ఇతర భౌతిక పనులు జరుగుతున్నాయని ఆమె తెలిపారు. గ్రామ పంచాయతీలకు వచ్చే కేంద్ర నిధులను కూడా కొంతమంది డైవర్శన్ చేస్తున్నారని ఆమె ఆందోళన వ్యక్తం చేశారు. అందుకే నేరుగా సర్పంచ్ల ఖాతాల్లో కేంద్ర నిధులు జమ చేయడం జరుగుతున్నదని ఆమె తెలిపారు.
నారాయణపేటలో అనేక గ్రామాలకు ఇప్పటివరకు రోడ్లు లేవని, పలు రోడ్లకు ప్రపోజల్ పెట్టి సాంక్షన్ రావడం ప్రారంభమైనదని తెలిపారు. పాఠశాలల నిర్మాణాలకు కూడా కేంద్రం నుంచి 60 శాతం నిధులు వస్తున్నాయని, వాటిలో ఆలస్యం వహించబడుతున్నదని ఆమె పేర్కొన్నారు. శ్రీవరంతరంగా, బీజేపీ మద్దతుదారులను సర్పంచ్, వార్డు మెంబర్లుగా గెలిపించాలని ప్రజలను ప్రేరేపిస్తూ, ఎంపీ నిధుల ద్వారా ప్రతి గ్రామానికి 10 లక్షల రూపాయల అభివృద్ధి నిధులు అందించబోతున్నట్టు ఆమె చెప్పారు. కాంగ్రెస్ ఓటు వల్ల మాత్రమే ఇందిరమ్మ ఇళ్ల వస్తాయని వాగ్దానం చేస్తారని, అసలు నిర్మాణం కేంద్ర నిధులతో జరుగుతున్నదని, రాష్ట్ర ప్రభుత్వం పై ప్రజలకు విశ్వాసం లేనందున మోసగించబడుతున్నారని ఆమె హెచ్చరించారు. గ్రామాభివృద్ధి కోసం డబ్బు ప్రభావం చూసి ఓట్లు వేయకూడదని, మోదీ సర్కారును మద్దతు ఇవ్వాలని ఆమె ప్రజలను కోరారు.