కానకోనలో 77 అడుగుల రాముడి కాంస్య విగ్రహాన్ని ఆవిష్కరించిన ప్రధాని మోడి
ప్రధాన మంత్రి నరేంద్ర మోదీ శుక్రవారం దక్షిణ గోవాలోని కానకోనలో ఉన్న శ్రీ సంస్థాన్ గోకర్ణ పర్తగాలి జీవోత్తమ మఠంలో 77 అడుగుల ఎత్తైన శ్రీరాముడి కాంస్య విగ్రహాన్ని ఆవిష్కరించారు. గుజరాత్లోని స్టాట్యూ ఆఫ్ యూనిటీని రూపొందించిన శిల్పి రామ్ సుతార్ ఈ శ్రీరాముని విగ్రహాన్ని తయారుచేశారు. ఇది ప్రపంచంలోనే అత్యంత ఎత్తైన శ్రీరాముని విగ్రహం.
అనంతరం ప్రధాన మంత్రి తరువాత శ్రీ సంస్థాన్ గోకర్ణ పర్తగాలి జీవోత్తమ మఠం 550వ వార్షికోత్సవ వేడుక అయిన 'శార్ధ పంచశతామానోత్సవం'లో పాల్గొన్నారు. ఈ మఠం భారతదేశంలోని అత్యంత పురాతన సన్యాసుల సంస్థలలో ఒకటి. ఆధ్యాత్మిక, సాంస్కృతిక, సామాజిక సేవలకు ప్రసిద్ధి చెందిన ఈ మఠానికి సరస్వత్ సమాజంలో విశిష్ట స్థానం ఉంది. మఠం సంప్రదాయానికి 550 సంవత్సరాలు పూర్తయిన సందర్భంగా నవంబర్ 27 నుండి డిసెంబర్ 7 వరకు వివిధ కార్యక్రమాలు నిర్వహిస్తున్నారు. ఈ మఠం ప్రాంగణాన్ని 370 సంవత్సరాల క్రితం దక్షిణ గోవా జిల్లాలోని కానకోనాలోని పర్తగాల్ గ్రామంలో నిర్మించారు. ప్రతి రోజు 7,000 నుండి 10,000 మంది ప్రజలు ఈ మఠం ప్రాంగణానికి దర్శనార్దం వస్తారు
మఠం అభివృద్ధి చేసిన 'రామాయణ థీమ్ పార్క్'ను కూడా ప్రధాన మంత్రి ప్రారంభించారు. ఆయన ప్రత్యేక పోస్టల్ స్టాంపును, స్మారక నాణెంను విడుదల చేశారు.
అంతకుముందు, ప్రధాన మంత్రి కృష్ణ గర్భగుడి ముందు ఉన్న సువర్ణ తీర్థ మండపాన్ని కూడా ప్రారంభించారు. అలాగే కనకదాసు అనే సాధువు ద్వారా శ్రీకృష్ణుడి దివ్య దర్శనం లభించిందని నమ్మే పవిత్ర కనకన కిండికి (పవిత్ర కిటికీ) 'కనక కవచం' (బంగారు తొడుగు) ను సమర్పించారు.
శుక్రవారం ఉదయం, శ్రీ కృష్ణ మఠంలో లక్ష కంఠ గీతా పారాయణ కార్యక్రమంలో పాల్గొన్న తర్వాత ప్రధాన మంత్రి నరేంద్ర మోదీ కర్ణాటకలోని ఉడుపిలో రోడ్షో నిర్వహించారు.
ఈ కార్యక్రమంలో తన ప్రసంగంలో, శ్రీకృష్ణ మఠంలో జరిగిన లక్ష కంఠ గీతా పారాయణ కార్యక్రమంలో లక్ష మంది భక్తులతో కలిసి భగవద్గీత శ్లోకాలను పఠించిన తర్వాత, ప్రధాన మంత్రి మోదీ ఉడుపిలో భారతీయ జనతా పార్టీకి పూర్వగామి అయిన జనసంఘ్ యొక్క సుపరిపాలన నమూనాని కొనియాడారు. ఈ కార్యక్రమంలో విద్యార్థులు, సన్యాసులు, పండితులు, వివిధ వర్గాల పౌరులతో సహా లక్ష మందికి పైగా పాల్గొనేవారితో కలిసి పీఎం మోదీ భగవద్గీతను పఠించారు.
సభను ఉద్దేశించి ప్రసంగిస్తూ, ప్రధాన మంత్రి ఉడుపిలో మాజీ కర్ణాటక ఎమ్మెల్యే వి.ఎస్. ఆచార్య చేసిన కృషిని గుర్తు చేసుకున్నారు. "ఉడుపికి రావడం నాకు చాలా ప్రత్యేకం. ఉడుపి జనసంఘ్, భారతీయ జనతా పార్టీ యొక్క సుపరిపాలన నమూనాకు కర్మభూమిగా ఉంది," అని ఆయన అన్నారు. "1968లో, ఉడుపి ప్రజలు జనసంఘ్ కు చెందిన వి.ఎస్. ఆచార్యను ఉడుపి మున్సిపల్ కార్పొరేషన్కు ఎన్నుకున్నారు. దీంతో, ఉడుపి ఒక కొత్త పాలనా నమూనాకు పునాది వేసింది. మనం ఈ రోజు చూస్తున్న పారిశుద్ధ్య ఉద్యమాన్ని ఉడుపి ఐదు దశాబ్దాల క్రితమే స్వీకరించింది. ఉడుపి 70వ దశకంలో నీటి సరఫరా డ్రైనేజీ వ్యవస్థ నమూనాను అభివృద్ధి చేయడం ప్రారంభించింది," అని తెలిపారు.
లక్ష మంది భగవద్గీత శ్లోకాలను పఠించడంతో ప్రపంచం భారతదేశం యొక్క 'దివ్యత్వాన్ని' చూసిందని మోడి అన్నారు.
"భగవద్గీత శ్లోకాలను లక్ష మంది కలిసి పఠించడాన్ని ప్రపంచం భారతదేశ దివ్యత్వంగా చూసింది. లక్ష మంది శ్లోకాలను పఠించినప్పుడు దివ్య పదాలు ఒకే చోట ప్రతిధ్వనించినప్పుడు, విడుదలయ్యే శక్తి మన మనస్సులకు, శరీరాలకు కొత్త బలాన్ని ఇస్తుంది. ఈ శక్తి ఆధ్యాత్మికత, సామాజిక ఐక్యత వెనుక ఉన్న శక్తి," అని ప్రధాన మంత్రి అన్నారు. ఉడుపి గుజరాత్లోని ద్వారక మధ్య సంబంధాన్ని తెలియజేస్తూ, మఠం వ్యవస్థాపకుడు, జగద్గురు మధ్వాచార్యను పీఎం మోదీ ప్రశంసించారు.