ఐఐటీ, టాప్ గ్లోబల్ యూనివర్సిటీల్లో గిరిజన విద్యార్థులకు పూర్తి స్కాలర్షిప్: అరుణాచల్ సీఎం
రాష్ట్రంలో ఉన్నత గిరిజన విద్యార్థుల విద్యాభివృద్ధికి పెద్దపీట వేస్తూ, సీఎం పేమా ఖండూ ఆదివారం ఇండియన్ ఇన్స్టిట్యూట్స్ ఆఫ్ టెక్నాలజీ (ఐఐటీలు) లేదా క్యూఎస్ ర్యాంకింగ్స్ ప్రకారం ప్రపంచంలోని టాప్ 150 విశ్వవిద్యాలయాలలో ప్రవేశం పొందిన గిరిజన విద్యార్థులకు 100 శాతం స్కాలర్షిప్లను అందిస్తామని ముఖ్యమంత్రి ప్రకటించారు.
ఇటానగర్లోని డేరా నటుంగ్ గవర్నమెంట్ కాలేజ్ వార్షిక కళాశాల వారోత్సవాల ప్రారంభోత్సవంలో పాల్గొన్నసీఎం ఖండూ మాట్లాడుతూ ప్రతిభావంతులైన విద్యార్థులను ప్రీమియర్ సంస్థల్లో నాణ్యమైన విద్య సాధించడానికి ప్రోత్సహించడానికి ఈ కార్యక్రమాన్ని ప్రారంభించామని చెప్పారు.కాంపెర్షియల్ పైలట్ శిక్షణ పొందుతున్న విద్యార్థులకు 75 శాతం స్కాలర్షిప్లు, 10 మంది యువతులకు వార్షిక మద్దతుగా మెర్చంట్ నేవీ సర్టిఫికేషన్ పొందడానికి సాయం అందించబడుతుందని ఆయన ప్రకటించారు.
ప్రస్తుతం డీఎన్జీసీ తన సామర్థ్యానికి మించి పనిచేస్తుందని గుర్తించిన ముఖ్యమంత్రి, ఇటానగర్ క్యాపిటల్ రీజియన్లో కొత్త కళాశాల కోసం భూమిని గుర్తించాలని అధికారులను ఆదేశించారు.అలాగే,డీఎన్జీసీలో కొత్తగా సోషియాలజీ, మాస్ కమ్యూనికేషన్ విభాగాలకు ఆమోదం లభించిందని, దీంతో కళాశాలలో మొత్తం విభాగాల సంఖ్య 16కు చేరుకుందని ఆయన వెల్లడించారు.అదనంగా, కళాశాల సౌకర్యాలను మెరుగుపరచడానికి కొత్త అడ్మినిస్ట్రేటివ్ బ్లాక్, బాలురు, బాలికల కోసం హాస్టల్స్, మల్టీపర్పస్ స్పోర్ట్స్ హాల్ 1,200 సీట్ల కమ్యూనిటీ ఆడిటోరియం వంటి ప్రధాన మౌలిక సదుపాయాల అప్గ్రేడ్లను కూడా ముఖ్యమంత్రి ప్రకటించారు.