ఎస్బీఐలో 122 పోస్టుల భర్తీకి నోటిఫికేషన్
తొలిపలుకు, విద్య, ఉద్యోగం:* దేశంలోనే అతిపెద్ద ప్రభుత్వ రంగ బ్యాంకు అయిన స్టేట్ బ్యాంక్ ఆఫ్ ఇండియా (ఎస్బీఐ) స్పెషలిస్ట్ ఆఫీసర్స్ (ఎస్ఓ) పోస్టుల భర్తీకి నోటిఫికేషన్ విడుదల చేసింది. ఈ రిక్రూట్మెంట్ డ్రైవ్ ద్వారా మొత్తం 122 మేనేజర్, డిప్యూటీ మేనేజర్ పోస్టులను భర్తీ చేయనున్నారు. ఈ పోస్టులకు ఆన్లైన్ దరఖాస్తు ప్రక్రియ ఇప్పటికే ప్రారంభమైంది. ఆసక్తి, అర్హత ఉన్న అభ్యర్థులు అక్టోబర్ 2లోపు దరఖాస్తు చేసుకోవచ్చు.
అభ్యర్థులు పోస్టును అనుసరించి సంబంధిత విభాగంలో డిగ్రీ లేదా ఎంబీఏ/ పీజీడీబీఏ/పీజీడీబీఎం/ఎంఎంఎస్/సీఏ/సీఎఫ్ఏ/ఐసీడబ్ల్యూఏ, బీఈ/బీటెక్ ఉత్తీర్ణతతో పాటు పని అనుభవం కలిగి ఉండాలి. ఇక అభ్యర్థుల వయోపరిమితి విషయానికి వస్తే, మేనేజర్ పోస్టుకు 28 నుంచి 35 ఏళ్లు, డిప్యూటీ మేనేజర్కు 25 నుంచి 32 ఏళ్లు, మేనేజర్ (క్రెడిట్ అనలిస్ట్)కు 25 నుంచి 35 ఏళ్లు ఉండాలి. రిజర్వేషన్ వర్గాల వారికి వయోపరిమితిలో సడలింపు ఉంటుంది. జనరల్/ఓబీసీ/ఈడబ్ల్యూఎస్ అభ్యర్థులకు దరఖాస్తు ఫీజు రూ.750గా ఉంది. ఎస్సీ/ఎస్టీ/పీడబ్ల్యూబీడీ అభ్యర్థులకు ఫీజు నుంచి మినహాయింపు ఇచ్చారు.
అభ్యర్థుల ఎంపిక సాధారణంగా ఆన్లైన్ పరీక్ష, ఇంటర్వ్యూ, డాక్యుమెంట్ వెరిఫికేషన్ ద్వారా జరుగుతుంది. కొన్ని పోస్టులకు కేవలం షార్ట్ లిస్టింగ్, ఇంటర్వ్యూ ఆధారంగా ఎంపిక చేయవచ్చు. ఆన్లైన్ పరీక్షలో జనరల్ అవేర్నెస్, క్వాంటిటేటివ్ ఆప్టిట్యూడ్, రీజనింగ్ ఎబిలిటీ, ప్రొఫెషనల్ నాలెడ్జ్ వంటి అంశాలపై ప్రశ్నలు ఉంటాయి. ఎంపికైన అభ్యర్థులకు నెలకు మేనేజర్ పోస్టుకు రూ.85,920 నుంచి రూ.1,05,280 వరకు, డిప్యూటీ మేనేజర్ పోస్టుకు రూ.64,820 నుంచి రూ.93,960 వరకు వేతనం లభిస్తుంది. వేతనంతో పాటు ఎస్బీఐ బ్యాంకు ఉద్యోగులకు లభించే అన్ని సౌకర్యాలు లభిస్తాయి. ఈ నోటిఫికేషన్ బ్యాంకింగ్ రంగంలో మంచి కెరీర్ కోరుకునే నిపుణులకు ఒక గొప్ప అవకాశం. పూర్తి వివరాల కోసం అభ్యర్థులు స్టేట్ బ్యాంక్ ఆఫ్ ఇండియా అధికారిక వెబ్ సైట్ sbi.co.inను సందర్శించండి.