ఎల్​టీటీఈ ప్రభాకరన్​ పై టీవీకే చీఫ్ ప్రశంసలు

టీవీకే అధినేత, తమిళ నటుడు విజయ్​ బస్సు యాత్రలో భాగంగా శనివారం వివాదాస్పద వ్యాఖ్యలు చేశారు. నాగపట్నంలో జరిగిన కార్యక్రమంలో ఎల్​ టీటీఈ ప్రభాకరన్​ పై ప్రశంసలు కురిపించారు. ప్రభారకన్​ శ్రీలంక తమిళ సమాజానికి తల్లిలాంటి వారని, శ్రీలంక తమిళులు తమిళనాడు వారికి సోదరులు అని, తమిళులు ప్రపంచంలో ఎక్కడున్నా అన్నదమ్ముల్లాంటి వారేనని అన్నారు. మనపై ప్రేమను చూపించిన ప్రభాకరన్ ను​ కోల్పోవడం బాధాకరమన్నారు. మాజీ ప్రధాని రాజీవ్​ గాంధీ హత్య కేసులో నిందితుడైన ప్రభాకరన్​ ను ప్రశంసించడం ఇప్పుడు తమిళనాడు వ్యాప్తంగా చర్చనీయాంశమైంది. అయితే తమిళుల సమస్య నాగపట్నంలో తీవ్రమైన భావోద్వేగాలతో కూడుకొని ఉంటుంది.