ఉస్మానియా యూనివర్సిటీలో బీటెక్ విద్యార్థి ఆత్మహత్య

ఉస్మానియా యూనివర్సిటీ క్యాంపస్‌లో బి.టెక్ చదువుతున్న ఒక విద్యార్థి అనుమానాస్పద స్థితిలో మరణించినట్లు పోలీసులు మంగళవారం తెలిపారు.ఈ రెండవ సంవత్సరం విద్యార్థి సోమవారం రాత్రి వర్సిటీ హాస్టల్ క్యాంపస్‌లోని ఒక హాస్టల్ సమీపంలో చెట్టు వద్ద విద్యార్థి ఉరి వేసుకున్న స్థితిలో కనిపించాడని ఒక సీనియర్ పోలీసు అధికారి తెలిపారు. సమాచారం అందిన వెంటనే, పోలీసు బృందం సంఘటనా స్థలానికి చేరుకుని, అతడిని చికిత్స కోసం ఆసుపత్రికి తరలించింది. అయితే, చికిత్స పొందుతూ ఆ విద్యార్థి మరణించాడు.

పోలీసులు ప్రాథమిక విచారణ ఆధారంగా, మరణించిన వ్యక్తి తన స్థానిక గ్రామంలో జరిగిన ఒక సంఘటన గురించి ఇన్‌స్టంట్ మెసేజింగ్ యాప్‌లో తనకు తాను ఒక సందేశం పంపినట్లు తెలిపారు. ఆ సంఘటన తర్వాత అతడిని తల్లిదండ్రులు తీవ్రంగా మందలించారని పోలీసులు పేర్కొన్నారు.మృతుడి తల్లిదండ్రులు, అతడి ప్రవర్తన మార్చుకోకపోతే గ్రామంలో ఉండవద్దని,లేదంటే ప్రాణాలు తీసుకున్నా మంచిదే’’ అనేలా మాట్లాడినట్లు సందేశంలో పేర్కొన్నారని పోలీసులు తెలిపారు.

తన కుటుంబ సభ్యులు తన గురించి పట్టించుకోవడం లేదని, ఈ పరిస్థితిని తట్టుకోలేకపోతున్నానని ఆ విద్యార్థి సందేశంలో పేర్కొన్నట్లు పోలీసు అధికారి తెలిపారు.కుటుంబ ఒత్తిడి, వ్యక్తిగత మనస్తాపం వంటి కారణాలు ఆత్మహత్యకు దారితీసి ఉండవచ్చని వారు భావిస్తున్నారు.ఈ ఘటనపై కేసు నమోదు చేసి దర్యాప్తు ప్రారంభించినట్లు పోలీసులు తెలిపారు. విద్యార్థి మరణంతో క్యాంపస్‌లో విషాద వాతావరణం నెలకొంది.