ఆర్టీసీ బస్సు ఛార్జీల పెంపుపై బీఆర్ఎస్ ఆందోళనలు

తెలంగాణ ప్రభుత్వం ఆర్టీసీ బస్సు ఛార్జీలను పెంచినప్పటి నుంచి బీఆర్ఎస్ ఆందోళనలకు దిగింది. ఈ క్రమంలో బుధవారం 'చలో సెక్రటేరియట్' కార్యక్రమాన్ని తలపెట్టి, పలువురు బీఆర్ఎస్ నాయకులు బస్సుల్లో ప్రయాణించి ప్రజలతో మాట్లాడారు. గురువారం 'చలో బస్ భవన్' ఆందోళనలో భాగంగా బీఆర్ఎస్ వర్కింగ్ ప్రెసిడెంట్ కేటీ రామారావు ప్రభుత్వాన్ని తీవ్రంగా విమర్శించారు. ప్రభుత్వం పరిపాలన నిర్వహించడం తెలియదని, సర్కస్ నడపడమే తెలుసని వ్యంగ్యంగా వ్యాఖ్యానించారు. ఉదయం తనను హౌస్ అరెస్ట్ చేసి, తర్వాత విడుదల చేశారని చెప్పారు. ఈ ఆందోళనల నేపథ్యంలో రాష్ట్రవ్యాప్తంగా బీఆర్ఎస్ నాయకులను అరెస్ట్ చేసినట్లు కేటీఆర్ ఆరోపించారు.

పెరిగిన ఛార్జీలు

అక్టోబర్ 6 నుంచి ఆర్టీసీ బస్సు ఛార్జీలను పెంచింది. సిటీ ఆర్డినరీ, మెట్రో ఎక్స్‌ప్రెస్, ఇ-ఆర్డినరీ, ఇ-ఎక్స్‌ప్రెస్ సర్వీసుల్లో మొదటి మూడు స్టేజీలకు రూ.5 అదనం, నాలుగో స్టేజ్ నుంచి రూ.10 అదనం. మెట్రో డీలక్స్, ఇ-మెట్రో ఏసీ బస్సుల్లో మొదటి స్టేజ్‌కు రూ.5, తర్వాతి స్టేజీలకు రూ.10 నుంచి రూ.15 వరకు పెంచుతూ ఆర్టీసీ నిర్ణయం తీసుకుంది. సిటీ ఆర్డినరీ పాస్ ధర రూ.1,150 నుంచి రూ.1,400కు, స్టూడెంట్ పాస్ రూ.400 నుంచి రూ.600కు పెరిగింది. ఈ పెంపు డీజిల్ బస్సులను క్రమంగా తొలగించి, ఎలక్ట్రిక్ బస్సులను ప్రవేశపెట్టే ఖర్చును భరించడానికి అని టీజీఎస్‌ఆర్టీసీ వివరించింది. ఈ పెంపు కారణంగా సామాన్యులు, మధ్యతరగతి వారు నెలకు రూ.500 వరకు అదనపు భారం మోయాల్సి వస్తుందని బీఆర్ఎస్ ఆరోపిస్తోంది.

సర్కస్ నడపడమే తెలుసు

ఈ సందర్బంగా కేటీఆర్ మాట్లాడుతూ "ఈ ప్రభుత్వానికి పాలన నడపడం తెలియదని. సర్కస్ నడపడమే తెలుసని మండిపడ్డారు. ఉదయం తనను హౌస్ అరెస్ట్ చేసి తర్వాత విడుదల చేశారు. ఇప్పుడు పోలీసులను అన్ని చోట్లా మోహరించి, మా నాయకులను అరెస్ట్ చేస్తున్నారు. వారు ఏమి చేయాలనుకుంటున్నారో అర్థం కావడం లేదు. ప్రభుత్వ మూర్ఖత్వపు నిర్ణయాల వల్ల బాధపడుతున్న మా పోలీసు సోదరులకు మా సానుభూతి." తెలుపుతున్నామన్నారు. బీఆర్ఎస్ నాయకుడు ప్రజాస్వామ్యంగా ఆందోళన చేస్తున్న వారిని అరెస్ట్ చేస్తున్నారని ఆరోపించారు. మహిళలకు ఉచిత బస్సు సేవ వల్ల ఆర్టీసీకి నష్టాలు వచ్చినప్పుడు, ఆ భారాన్ని సామాన్యులపై మోపకుండా ప్రభుత్వమే భరించాలని డిమాండ్ చేశారు. "బస్సులో కూర్చుని ప్రజాస్వామ్యంగా ఆందోళన చేస్తున్న వారిని అరెస్ట్ చేస్తున్నారు. ఉచిత బస్సు సేవ వల్ల నష్టాలు వచ్చినప్పుడు, ప్రభుత్వమే ఆ నష్టాన్ని భరించాలి, సామాన్యులపై మోపకూడదు" అని అన్నారు.

ఛార్జీలపైనే ఆందోళన

బీఆర్ఎస్ నాయకులు ఆర్టీసీ బస్సు ఛార్జీల పెంపుపై 'చలో బస్ భవన్' ఆందోళన చేపట్టారు. ఈ పెంపు సామాన్యులు, మధ్యతరగతి వారి జీవితాలపై ప్రభావం చూపుతుందని చెప్పారు. "బస్సు టికెట్ ధరలను భారీగా పెంచడంపై తాము ఆందోళన చేస్తున్నామని, ఇది తెలంగాణ సామాన్యులు, మధ్యతరగతి వారిని ప్రభావితం చేస్తుందన్నారు. ప్రభుత్వం తమ ప్రశ్నలకు సమాధానం చెప్పాలి. ఉచిత బస్సు సేవ వల్ల ఆర్టీసీ నష్టాలు వస్తాయని తెలిసినప్పుడు ఎందుకు అమలు చేశారు? ఇప్పుడు మీ నిర్ణయాల వల్ల నష్టాలు వచ్చినప్పుడు, ప్రజలు ఎందుకు ధర చెల్లించాలి? అని ప్రశ్నించారు. ఆర్టీసీ ఎండీ ఈ నిర్ణయాన్ని రద్దు చేసి, ప్రభుత్వానికి తెలపాలి అని కేటీఆర్ డిమాండ్ చేశారు.

ప్రయాణికులతో ముచ్చట

ఇదే సమయంలో మెహదీపట్నంలో బీఆర్ఎస్ నాయకుడు హరీష్ రావు బస్సులో ప్రయాణించి ప్రయాణికులతో మాట్లాడారు. ముందుగా తెలంగాణ పోలీసులు బీఆర్ఎస్ వర్కింగ్ ప్రెసిడెంట్ కేటీ రామారావును గురువారం ఉదయం తన నివాసంలో హౌస్ అరెస్ట్ చేశారు. భారీ పోలీసు బలగాలను మోహరించారు. "నేను చేయాలనుకున్నది ఆర్టీసీ బస్సులో ఎక్కి, శాంతవంతంగా ప్రయాణించి, ఆర్టీసీ ఎండీ కార్యాలయానికి వెళ్లి, బస్సు టికెట్ ధరల పెంపును రద్దు చేయాలని లేఖ సమర్పించడమే.నని కేటీఆర్ ఎక్స్ లో పోస్టు చేశారు. ఇప్పుడు నా హౌసింగ్ కాంప్లెక్స్ బయట ఎంతమంది పోలీసులను మోహరించారో చూడండి! ఒక వ్యక్తిని బస్సు ఎక్కకుండా అడ్డుకోవడానికి హైదరాబాద్‌లో పెరుగుతున్న నేరాల రేటును నియంత్రించడంలో పోలీసులు అదే ఉత్సాహాన్ని చూపిస్తే బాగుంటుందని కేటీఆర్ వ్యాఖ్యానించారు.

బస్ భవన్ వద్ద ఉద్రిక్తత

మహిళలకు ఉచిత బస్సు సేవలు ప్రవేశపెట్టినప్పటి నుంచి ఆర్టీసీ నష్టాలు పెరిగాయని, ఆ భారాన్ని సామాన్యులపై మోపడం సరికాదని బీఆర్ఎస్ వాదిస్తోంది.

మహిళలకు ఉచిత సేవలు కొనసాగిస్తూనే, పురుషులకు ధరలు పెంచడం ద్వంద్వ విధానమని కేటీఆర్ విమర్శించారు. బస్సు ప్రయాణికులు ధరల పెంపును వ్యతిరేకిస్తున్నారు. స్టూడెంట్లు, తక్కువ ఆదాయ వర్గాలు ఎక్కువ భారం మోస్తున్నారు. ధరల పెంపును తక్షణం రద్దు చేయాలని బీఆర్ ఎస్ డిమాండ్ చేస్తోంది. ప్రభుత్వం నష్టాలను భరించాలి, ప్రజలపై మోపకూడదు.

ఆందోళనల సమయంలో బస్ భవన్ వద్ద ఉద్రిక్తత నెలకొంది. పలువురు బీఆర్ఎస్ నాయకులు, కార్యకర్తలను అదుపులోకి తీసుకున్నారు.