ఆదిలాబాద్లో విమానాశ్రయం నిర్మాణానికి తెలంగాణ ప్రభుత్వం గ్రీన్ సిగ్నల్
ఆదిలాబాద్ జిల్లా త్వరలో దేశ విమానయాన పటంలో ప్రత్యేక స్థానాన్ని సంపాదించనుంది.ఆదిలాబాద్ విమానాశ్రయ అభివృద్ధికి 700 ఎకరాల భూసేకరణకు తెలంగాణ ప్రభుత్వం ఆమోదం తెలిపింది. ఈ ప్రాజెక్టు భారత ఎయిర్పోర్ట్స్ అథారిటీ ఆఫ్ ఇండియా (ఏఎన్ఐ)తో సమన్వయంగా అమలు కానుంది. ఏఎన్ఐసమర్పించిన సాధ్యాసాధ్యాల నివేదికలో ఆదిలాబాద్లో విమానాశ్రయ నిర్మాణం సాధ్యమని స్పష్టత రావడంతో, జిల్లా కలెక్టర్కు వెంటనే భూసేకరణ ప్రక్రియ ప్రారంభించాలంటూ ప్రభుత్వం ఆదేశాలు జారీ చేసింది. ఈ నిర్ణయం జిల్లా అభివృద్ధిలో కీలక మలుపు కానుంది.
విమానాశ్రయం నిర్మాణం పూర్తి కాగానే ఆదిలాబాద్ జిల్లా రవాణా రంగంలో కొత్త దశకు చేరుకోనుంది. ప్రాంతీయ అనుసంధానం మెరుగుపడటంతో పాటు, పర్యాటక రంగానికి కూడా ఊతం లభిస్తుంది. ముఖ్యంగా అడవి, పర్వత ప్రాంతాలుగా పేరుగాంచిన ఆదిలాబాద్లో పర్యాటకులను ఆకర్షించే అవకాశాలు మరింతగా పెరుగుతాయని అధికారులు చెబుతున్నారు.అదేవిధంగా అత్యవసర పరిస్థితుల్లో వైద్య సేవలు, రక్షణ చర్యలు వేగంగా అందించే సదుపాయాలు ఈ ప్రాజెక్టుతో లభించనున్నాయి. విమానాశ్రయం ఏర్పాటుతో పెట్టుబడులు, వాణిజ్య కార్యకలాపాలు పెరిగి, స్థానిక యువతకు ఉపాధి అవకాశాలు విస్తరించే అవకాశం ఉంది.
ముఖ్యమంత్రి రేవంత్ రెడ్డి నాయకత్వంలో రాష్ట్ర ప్రభుత్వం సమతుల్య అభివృద్ధికి కట్టుబడి ఉందని అధికార వర్గాలు పేర్కొన్నాయి. రవాణా మౌలిక సదుపాయాలను బలోపేతం చేసి, తెలంగాణలోని ప్రతి జిల్లాను సమానంగా అభివృద్ధి చేయడమే ప్రభుత్వ ప్రధాన లక్ష్యమని తెలిపారు.ఈ ప్రాజెక్టు పూర్తి అయితే, ఆదిలాబాద్ విమానాశ్రయం ఉత్తర తెలంగాణ అభివృద్ధికి కొత్త గమ్యాన్ని అందించనుంది.
భూసేకరణను ఎప్పటిలోగా పూర్తి చేయాలి
ప్రభుత్వం ఇచ్చిన తాజా సూచనల ప్రకారం, ఆదిలాబాద్ విమానాశ్రయానికి సంబంధించిన భూసేకరణ ప్రక్రియను మూడు నెలల లోపు పూర్తి చేయాలని జిల్లా కలెక్టర్కు ఆదేశాలు జారీ చేశారు.అంటే, కలెక్టర్ కార్యాలయం డిసెంబర్ చివరి నాటికి లేదా 2026 జనవరి మొదటివారంలో భూసేకరణ పనులు పూర్తి చేసేలా చర్యలు తీసుకోవాలి. ఈ గడువులోగా భూస్వాములతో చర్చలు, పరిహార నిర్ణయాలు, భూముల ప్రక్రియ పూర్తయ్యేలా ప్రభుత్వం దిశానిర్దేశాలు ఇచ్చింది.దీనివల్ల ప్రాజెక్టు నిర్మాణ పనులు నిర్దేశిత సమయానికి ప్రారంభమయ్యే అవకాశం ఉంది.