ఆంధ్రప్రదేశ్ మావోయిజం రహిత రాష్ట్రం కావడమే లక్ష్యం: డీజీపీ హరీష్ కుమార్ గుప్తా
ఆంధ్రప్రదేశ్ రాష్ట్రంలో మార్చి 2026 నాటికి మావోయిజం రహిత రాష్ట్రంగా తీర్చిదిద్దేందుకు పోలీసులు కృషి చేస్తున్నారని, ఇది భారత ప్రభుత్వం నిర్దేశించిన లక్ష్యమని ఆంధ్రప్రదేశ్ డీజీపీ హరీష్ కుమార్ గుప్తా గురువారం తెలిపారు.
తూర్పు గోదావరి జిల్లాలో ఏర్పాటు చేసిన విలేకరుల సమావేశంలో గుప్తా మాట్లాడుతూ, లక్ష్యాన్ని చేరుకోవడానికి అవసరమైన "లాంఛనాల్లో" ఎక్కువ భాగం పూర్తయ్యాయని పేర్కొన్నారు. మావోయిస్టు కేడర్కు లొంగిపోవాలని ఆయన మరోసారి విజ్ఞప్తి చేస్తూ, లొంగిపోని వారికి "తటస్థీకరణ"(ఎన్ కౌంటర్) తప్పదని హెచ్చరించారు.
జూన్లో జరిగిన ఎన్కౌంటర్లో కీలక మావోయిస్టు కేడర్ మరణించిన తర్వాతే లొంగిపోవాలనే పిలుపు వచ్చిందని డైరెక్టర్ జనరల్ ఆఫ్ పోలీస్ గుర్తు చేశారు.
"మేము స్పష్టమైన లక్ష్యంతో ముందుకు సాగుతున్నాము. మార్చి 2026 నాటికి ఈ రాష్ట్రాన్ని మావోయిజం రహితంగా మార్చాలని భారత ప్రభుత్వం లక్ష్యంగా పెట్టుకుంది, దాదాపు అన్ని లాంఛనాలు పూర్తయ్యాయి," అని గుప్తా అన్నారు. రాష్ట్రం అభివృద్ధి చెందాలని, సురక్షితంగా ఉండాలని ఆకాంక్షిస్తూ, "ఆ లక్ష్యాలను సాధించడానికి ఆంధ్రప్రదేశ్లో లేదా ఏ సమాజంలోనైనా హింసకు తావు లేదు" అని ఆయన చెప్పారు.
పోలీస్ శాఖలోని వివిధ విభాగాల ప్రయత్నాలను అభినందించిన గుప్తా, రాష్ట్రంలోకి ఆశ్రయం కోసం ప్రవేశించిన 50 మంది మావోయిస్టు కేడర్ను అరెస్టు చేయడంలో వారు సహకరించారని తెలిపారు.
ఈ అరెస్టులతో పాటు, అల్లూరి సీతారామరాజు జిల్లాలోని మారేడుమిల్లి మండలంలో ఇటీవల పోలీసులు 13 మంది మావోయిస్టులను (నవంబర్ 18న ఆరుగురు, నవంబర్ 19న ఏడుగురు) ఎన్ కౌంటర్ చేశారు.
" పోలీసు విభాగంలోని అన్ని విభాగాలు, ముఖ్యంగా ఇంటెలిజెన్స్,అల్లూరి సీతారామరాజు జిల్లా పోలీసులు, విజయం సాధించడానికి ఒకే ఆదేశం కింద ఒకే బలగంగా పనిచేశాయి," అని ఆయన అన్నారు. ఈ ఆపరేషన్ల సందర్భంగా భారీ మొత్తంలో ఆయుధాలు, పేలుడు పదార్థాలు, ఇతర వస్తువులను స్వాధీనం చేసుకున్నట్లు గుప్తా తెలిపారు.
"నా బలగాలకు, ప్రజలకు ధన్యవాదాలు చెప్పాలనుకుంటున్నాను. వారు బాగా పనిచేశారు. ఈ రాష్ట్రం సురక్షితంగా ఉండి, అభివృద్ధిని కొనసాగించాలి," అని ఆయన అన్నారు.
ఆశ్రయం కోసం అనేక మంది మావోయిస్టులు అడవుల్లోని రహస్య స్థావరాలను విడిచిపెట్టి పట్టణాలు, నగర కేంద్రాలకు వస్తున్నారని గుప్తా గమనించారు. దేవ్జీ అనే మావోయిస్ట్ ఇంకా పరారీలో ఉన్నందున, ఆపరేషన్లు కొనసాగుతున్నాయని ఆయన తెలిపారు.
అంతేకాకుండా, ఆంధ్రప్రదేశ్ మరియు ఛత్తీస్గఢ్తో సహా నాలుగు నుండి ఐదు రాష్ట్రాల పోలీసు బలగాలు మార్చి 2026 నాటికి మావోయిజాన్ని నిర్మూలించాలనే లక్ష్యం దిశగా కలిసి పనిచేస్తున్నాయని గుప్తా పేర్కొన్నారు.